JIA PARPALE CA LE MANUȘA
SICAIMOS 9
Șiu-tut ando than le manușesco
So phenel i Biblia: „Bucurin tumen codolența cai bucurin-pe, roven codolența cai roven”. (Rom. 12:15)
So cărdea o Isus
1. Dich o MATERIALO VIDEO sau citisar Marcu 6:30-34. Pala codoia șiu tuche le pușimata cai aven:
a) Sostar camenas o Isus hai le apostoli „te aven corcore”?
b) So cărdea le Isusos te astarel te sicavel le bute manușen?
So sichioas catar o Isus?
2. Cana șioas amen ando than le manușengo hai das amari zor te hachiaras so si ande lengo ilo, va avela te rodas lengo miștimos hai ci va avela te încăras numai ca so trebul te phenas.
Cher so cărdea o Isus
3. Așun atento le manușen. Mech ca o manuș te phenel sea so siles po ilo. Na așiav-les hai na nach părdal so simțosarel, so duchavel-les sau so pușimata siles.
4. Gândisar-tu co manuș. Încăr ande chi goghi so dean duma lesa hai șiu tuche le pușimata:
a) „Sostar trebul te prinjianel o ciacimos?”
b) „Sar ajutilas-les o studio la Bibliaco te avel-les iech viața mai lași acana, tha vi ando viitorii?”
5. Phen lesche sicaimata cai daștinas te ajutin-les. Sicav lesche chichi mai sigo sar daștilas te ajutil-les o sicaimos biblico te arachel o răspunso ca lesche pușimata hai so miștimata daștilas te anel lesche.