Sicav lașimos

So cărdea o Isus

MATERIALO VIDEO: O Isus sastiarel ieche core manușes

1. Dich o MATERIALO VIDEO sau citisar Ioan 9:1-7. Pala codoia șiu tuche le pușimata cai aven:

1. a) So cărdea o Isus mai anglal: sastiardea le core manușes sau dea lesche duma anda i vestea lași? (Dich Ioan 9:35-38.)

2. b) Sostar daisaras te pachias că pala so sas-lo sastiardo, o murș camlea vi mai but te așunel le Isusos?

So sichioas catar o Isus?

2. Iech manuș va camela te așunel-ame cana va dichela că sam pașa lesco ilo.

Cher so cărdea o Isus

3. Șiu-tut ando than le manușesco. De chi zor te hachiares so si ando ilo le manușesco.

1. a) Șiu tuche le pușimata: „So phare gânduri siles? So daștilas te ajutil-les sau so camelas te prinjianel?”. Cana va avela te cheres cadea, va avela te sicaves lașimos anda sea o ilo.

2. b) Sicav le manușesche că interesil-tu so phenel hai așun-les atento. Dacă phenel tuche so siles po ilo sau del duma anda iech pharimos prin savo nachel, na astar te des duma anda aver vareso.

4. Sicav pachiv hai de duma lașimaia. Cana cames te ajutis anda sea o ilo varecas hai interesis-tu lestar ciaces, cadaia va dichiola-pe ando modo sar des duma. Alosar mișto so phenes hai sar phenes-la. Sa cadea, de chi zor te na phenes dumes cai daștinas te duchaven.

5. De chio vast hai ajutisar. Rode te diches so buchia daștis te cheres caște ajutis le manușes. Cana sicaves lașimos, o manuș va camela vi mai but te așunel i vestea lași.