Ku Va Ni Mahanyela Lamanene Ni Xitxhavu Lexi Yentiki Swi Kokela Van’wana Ka Xihlayelamfuzri

Mahanyela lamanene ya vasati lava nga va vakriste ma pfuna vanuna vavu ku dondzra xilhayelamfuzri. Nambi leswi swi nga ha djulaka ku tiyisela xihinga lexi malembe manyingi. (1Pe 2:21-23; 3:1, 2) Loko u yentxeliwa wubihi, yana mahlweni u hlula wubihi hi wunene. (Ro 12:21) Mahanyela yaku lamanene ma nga ha va ni ntamu ku tlula mazritu.

Dzringisa ku twisisa vonela dzra nkataku. (Flp 2:3, 4) Tibeke mbangwini wakwe ni ku kombisa lizrezre, nakone yentxa hinkwaswu ku hetisisa wutiyanguleli byaku bya ku tibeka hansi swanga nsati. Vana mutwi lwenene. (Yk 1:19) Lehisa mbilu, nakone tiyisekisa nkataku leswaku wa mu zrandzra. Nambi loko nkataku a nga kombisi wunene ni xitxhavu, tiyiseka leswaku Yehovha a xi nyika lisima xikombiso xaku xa lipfumelo.​—1Pe 2:19, 20.

HLALELANI VíDEO LEDZRI LIKI YEHOVHA A TA HI NYIKA NTAMU WA KU HLULA SWIKAZRATU SWEZRU, MI GAMA MI HLAMULA SWIVUTISO LESWI LANDZRELAKA:

• A byi tsrhamisisi kuyini wutomi bya Grace Li na a ha ku txhata?

• I yini lexi mu khumbiki lakakuva a navela ku dondzra ntiyiso?

• Xana makwezru Li a kumane ni mindzringo yini ntsrhaku ka babatiso dzrakwe, nakone a yi tiyiselele hi ndlela yini?

• Makwezru Li a kombele yini a xikhongotweni xakwe?

• Hi wani matovoko lawa makwezru Li a ma kumiki hikola ka mahanyela yakwe lamanene ni xitxhavu?