NDLELA YA KU DONDZRA

I Yini Leswi U Nga Swi Yentxaka Akuva U Kota Ku Dondzra Bibele Siku Ni Siku?

Xana swi same swi ku kazratela ku landzra xiyimiso xaku xa ku dondzra Bibele siku ni siku hi kola ka ku taleliwa hi swa ku swi yentxa? (Yoxu. 1:8) Kutani, u li yini hi ku landzra swidzringanyeto leswi landzrelaka:

Beka lexi taka ku dzrimuxa. Beka a alarmi ka xitizrisiwa xaku xa eletroniku akuva xi ku dzrimuxa nkama wa ku dondzra Bibele.
Beka Bibele ka mbangu wa ku voneka. Loko u tizrisa Bibele ledzri gandlisiwiki, dzri beki ka mbangu lowu swi nabyalaka ku dzri vona siku ni siku.—Det. 11:18.
Yingiseta a magravhasawu ya Bibele. Yingiseta magravhasawu nkama lowu u hambaka mintizro ya siku ni siku. Makwezru Tara lweyi a nga phayona, a nga mamana a tlhelaka a tizra ni wusiku, a li: “Ku yingiseta magravhasawu ya Bibele na ni yentxa mintizro ya le kaya swi ni pfuna ku tama ni landzra xiyimiso xanga xa ku dondzra Bibele siku ni siku.”
U nga kazrali. Loko ntxhumu wa kukazri wu hingeleta xiyimiso xaku, dondzra tindzrimana ti nga li tingani ta Bibele na u nga si na yetlela. Ku dondzra Bibele siku ni siku nambi o va tindzrimana ti nga li tingani swi nga pfuna.—1 Pet. 2:2.