Xingheniso Xa Xiyenge 6

Loko Vaisrayele va tlhase ka tiko dzra xidumbiso a va gandzrela Yehovha a tabernakeleni. Vaprista a va nyikela Milawu, kasi a vatsremi a va nyikela minkongomiso ya Yehovha, leyi a yi ta va pfuna akuva va tiva leswi a va fanela ku swi yentxa. Ka xiyenge lexi hi ta vona ndlela leyi xiboho lexi mhunu a xi tekaka xi nga byi khumbaka ha yone wuxaka byake na Yehovha ni vhanu van’wana. Loko u li mupswali, pfuna vanaku akuva va swi twisisa leswaku ha yini Debora, Nawomi, Yoxuwa, Ana, n’wana wa Yefta na Samuwele va ve swikombiso leswinene ka ku gandzrela Yehovha. Va pfuni ku twisisa leswaku Rahabi, Ruti, Yayele, Vagibiyoni ku patsra ni vhanu van’wana lava a va nga gandzreli Yehovha, va hlawule ku yima ni Vaisrayele hi leswi a va swi tiva leswaku Yehovha a a li na vone.