DONDZRO 1

Masungulela Lamanene

Amintiṛo 17:22

NKATSRAKANYU: Masungulela yaku ma fanela ku yentxa vayingiseti va zron’weka, ma komba mhaka leyi u djulaka ku khanela ha yone ma tlhela ma kombisa leswaku ha yini va fanela ku zron’weka.

MAYENTXELA YA KONE:

Yentxa vayingiseti va zron’weka. Hlawula xivutiso, xiga, ntxhumu lowu yentxekiki hakunene kumbe madzrungula lama taka zron’wa vayingiseti vaku.

Na ke he nkama, yehleketa ha hombe hi mintxhumu leyi zron’waka kumbe yi vilelisaka vayingiseti vaku u va u yi yelanisa ni masungulela yaku.
Komba mhaka leyi u djulaka ku khanela ha yone. Tiyiseka leswaku masungulela yaku ma yentxa mhaka ni nkongometo wa wukaneli byaku swi va livaleni ka vayingiseti.
Kombisa lisima dzra mhaka yaku. Yelanisa leswi u swi hlayaka ni leswi djulekaka ka vayingiseti. Va fanela ku swi twisisa hi ku khanya leswaku mhaka yi va pfunisa kuyini ha mun’we-mun’we a wuton’wini byavu.

Na wa ha lulamisela wukaneli, tivutise leswi: ‘Hi swini swiyimu leswi vamakwezru va bandla dzranga va tlhanganaka na swone?’ Kutani, twananisa masungulela yaku ni swiyimu swavu.