DONDZRO 13

Ku Yandlala Matizrisela Ya Mhaka

Amaproverbia 3:21

NKATSRAKANYU: Pfuna vayingiseti vaku ku twisisa ndlela leyi mhaka leyi u nga nayu yi khumbaka ha yone wutomi byavu, u tlhela u va komba leswaku va fanela ku yentxa yini hi leswi va swi dondzriki.

MAYENTXELA YA KONE:

Pimisa hi vayingiseti vaku. Yanakanyisisa hi leswaku ha yini vayingiseti vaku va fanela ku twa leswi u djulaka ku va byela swone, nakone vonisisa leswaku hi xini xiyenge xa mhaka ya kone lexi taka va pfuna hi ku kongoma.
Loko u li kazri u vulavula, komba vayingiseti vaku leswaku va fanela ku yentxa yini. Ku sukela masungulwini, muyingiseti mun’wana ni mun’wana a fanela ku twisisa leswi: “Leswi swa ni khumba.” Loko u tlhamuxela yinhla yin’wana ni yin’wana ya lisima, kombisa ndlela ya ku yi tizrisa. U nga tolovele ku djikadjika.

Kombisa lizrandzru ni ku twela vayingiseti loko u tlhamuxela matizrisela ya minsinya ya milawu ya Bibele. A matsrhan’wini ya ku yentxa vayingiseti va titwa nandzru, tiyisa lizrandzru ni lipfumelo dzravu, na u dumba leswaku timbilu tavu ti ta va susumetela ku yentxa leswinene.