Ku Dondzrisa Hi Ku Hiseka

Ku hiseka ka va khumba vambeni. Ku nga ha yentxa leswaku vayingiseti vezru va zreya ndleve. Nakone leswo swi ta kombisa leswaku hi dzri nyika lisima dzrungula dzrezru. Hi nga swi kota ku kombisa ku hiseka swi nge na mhaka leswaku hi pfa ka lixaka dzrini kumbe hi ni wumhunu bya matsrhamela muni. (Ro 12:11) Hi ndlela yini?

Xa ku sungula, yanakanyisisa hi lisima dzra dzrungula dzraku. U ni ndjombo ya ku ‘dzrungula letinene’. (Ro 10:15) Xa wubidzri, yanakanyisisa hi ndlela leyi madzrungula lawa lamanene ma nga va pfunaka ha yone vayingiseti vaku. Va djula ku yingiseta dzrungula ledzri u nga na dzrone. (Ro 10:13, 14) Hi wugamu, vulavula hi nkhinkhi. Tsrhika mavoko ni wuso swi khanela, ni ku kombisa leswaku u vulavula na swi pfela mbilwini.

HLALELANI VÍDEO LEDZRI LIKI TSRHAVISIWA HI KU YENTXA VADONDZRISIWA​—YAMPSWISA WUSWIKOTI BYAKU—​KU DONDZRISA HI KU HISEKA, MI GAMA MI HLAMULA SWIVUTISO LESWI LANDZRELAKA:

• 

  I yini leswi yentxiki Anita a nga ha xi hisekeli xidondzrana xake Judite?

• 

  I yini lexi pfuniki Anita akuva a tlhela a hisekela xidondzrana xake?

• 

  Ha yini hi fanela ku xiyisisa wumhunu lebyinene ka vayingiseti vezru?

• Xana ku hiseka kwezru ku nga va khumbisa ku yini lava hi bulaka navu ku patsra ni swidondzrana swezru swa Bibele?