Ingene wogira ubushakashatsi

Ibitabu vy’ubushakashatsi dusanga muri ca CEGERANYO C’IBITABU CO KURI INTERNET^™

Ibitabu vyacu vy’ubushakashatsi birashobora kugufasha kumenya ibintu bitandukanye. Mu bitabu dusanga mu ico cegeranyo, mu kirundi harimwo ca Gitabu c’ubushakashatsi c’Ivyabona vya Yehova na ca gice co muri Bibiliya y’isi nshasha kivuga ngo “Insiguro y’amajambo.” Mu gifaransa na ho haca hiyongerako igitabu Étude perspicace des Écritures be na Index des publications des Témoins de Jéhovah.

Akumba ko kwandikamwo amajambo ugomba kurondera karashobora kugufasha gukoresha ivyo bitabu. Ukanditsemwo ijambo urondera, haca haza urutonde rw’amajambo wohitamwo. Ijambo riba riri muri ivyo bitabu, rica rikurikirwa n’ahavuga ngo “Aho riboneka.”

Bigerageze: Niwandike ijambo “Yehova” muri ka kumba ko kurondeza (A). Nuce uhitamwo ijambo “Yehova” rikurikiwe n’ahavuga ngo “Aho riboneka” (B). Uca ubona aho iryo jambo “Yehova” ryatowe muri ivyo bitabu vy’ubushakashatsi.