Indirimbo ya 145

Tujye twihangana

(1 Abatesalonike 5:14)

1.Urugero mu byo kwihangana

Twaruhawe n’Imana!

Yihanganiye gutukwa cyane,

Kandi ntiyacogora.

Yihanganiye Isirayeli,

Ndetse n’abantu bose.

Natwe abo mu mukumbi wayo,

Iratwihanganira.

2. Niba Yehova Imana yacu

Yaratwihanganiye,

Natwe tujye tubigenza dutyo

Turangwe n’uwo muco.

Dukeneye imbuto z’umwuka

Ngo tudatandukira.

Twirinde mu byo tuvuga byose,

Tube abagwaneza.

3. Bizadufasha kunga ubumwe

Kandi twubake bose

Mu muryango wacu n’itorero

Tunashimwe n’Imana.

Urukundo n’ubwenge bw’Imana

Bizabidufashamo.

Iyo mico turayikeneye

Kugeza dutunganye.