UBUTUNZI BWO MU IJAMBO RY’IMANA | YEREMIYA 51-52
Ibyo Yehova avuze byose birasohora
Yehova yavuze ibizaba nta kwibeshya
Umurashi wo mu barindaga umwami w’u Buperesi
“Mutyaze imyambi”
Abamedi n’Abaperesi bari abarashi b’abahanga kandi imiheto ni yo yari intwaro zabo z’ibanze. Imyambi yabo barayityazaga kugira ngo yinjire, ihinguranye abo barashe
“Abagabo b’abanyambaraga b’i Babuloni baretse kurwana”
Inyandiko ivuga ibya Nabonide igira iti “ingabo za Kuro zinjiye muri Babuloni nta mirwano ibaye.” Ibyo bihuza neza n’ibivugwa mu buhanuzi bwa Yeremiya
Inyandiko ivuga ibya Nabonide
“Babuloni izahinduka ibirundo by’amabuye kugeza ibihe bitarondoreka”
Kuva mu mwaka wa 539 Mbere ya Yesu, Babuloni yatangiye gutakaza icyubahiro cyayo. Alexandre le Grand yashakaga kugira Babuloni umurwa mukuru w’ubwami bwe ariko biramunanira, kuko yahise apfa. Ubukristo bugitangira, hari Abayahudi bari bagituye i Babuloni. Ni yo mpamvu intumwa Petero yahasuye. Icyakora mu kinyejana cya kane, uwo mugi wari utakiriho