Masalmo

43 Mulungu nditongeni,+

Tongani nseru wanga+ mbamukonesa dzindza ya anthu akukhonda kukhulupirika.

Ndipulumuseni mʼmanja mwa anthu analonga uthambi na anyakusowa ulungami.

2 Thangwi imwe ndimwe Mulungu wanga, mbuto yanga yacitsidzikizo.+

Thangwi yanji mwandisiya?

Thangwi yanji ndisafamba wakutsukwala thangwi yakupondererwa na nyamalwa wanga?+

3 Tumizani ceza canu na undimomwene wanu,+

Toera pinditsogolere;+

Toera pinditsogolere kuphiri yanu yakucena na ku tabhernakulo yanu ikulu.+

4 Buluka penepo, ndinadzaenda pa guwa ya Mulungu,+

Kuna Mulungu wakuti asandicitisa kukhala wakutsandzaya.

Pontho ine ndinadzakusimbani na arpa+ imwe Mulungu, Mulungu wanga.

5 Thangwi yanji ndiri wakusowa cidikhiro?

Thangwi yanji ntima wanga usadzudzumika kakamwe?

Ndinadikhira Mulungu,+

Thangwi ndinapitiriza kunsimba ninga Mpulumusi wanga Wankulu na Mulungu wanga.+