Obhadhiya
1 Masomphenya adaona Obhadhiya:*
Ipi ndi pidalonga Yahova Mbuya Wankulu Kakamwe thangwi ya Edhomi:+
“Ife tabva mphangwa zidabuluka kuna Yahova.
Atumwa munthu toera akapange madzindza a anthu:
‘Tendeni tikhunganyike toera tikamenyane na iye.’”+
2 “Ona! Ine ndakucitisa kukhala munthu wakusowa basa pakati pa madzindza a anthu;
Ndiwe wakupwazika kakamwe.+
3 Kudzikuza kwa ntima wako kwakunyengeza,+
Iwe unakhala mʼmphako za miyala,
Iwe unakhala padzulu pa mapiri, mbulonga muntima mwako,
‘Mbani anafuna kunditcitisa pantsi?’
4 Maseze umange nyumba yako padzulu kakamwe* ninga capungu,
Peno umange ntsandza yako pakati pa nyenyezi,
Ine ndinadzakugwisa pantsi,” alonga Yahova.
5 “Iwe mbudadzerwa na mambava, anyakutapata mbakudzera namasiku,
Kodi iwo nee mbadakwata basi ene pinafuna iwo?
Peno anyakubvuna mauva mbadabwera kuna iwe,
Kodi iwo nee mbadasiya mauva toera uwalokotere?+
(Iwe unadzafudzirwatu!)*
6 Iwo asaka Izau mʼmbuto zonsene!
Mpfuma zace zakubisika zasakwa kakamwe!
7 Iwo akubulusa mu dziko yawo.
Onsene adacita na iwe cibverano akunyengeza.
Anthu akakhala pabodzi na iwe muntendere akukunda.
Ale akhadya na iwe pabodzi pene anadzakuteyera nsampha,
Mbwenye iwe nee unadzadzindikira pyenepi.
8 Pa ntsiku ineyi,” alonga Yahova,
“Kodi ine nee ndinadzafudza anthu audziwisi mu Edhomi,+
Pontho nee ndinadzafudza anthu akudzindikira pinthu mucisa ca mapiri ca Izau?
9 Iwe Temani,+ anyankhondo ako anadzagopa,+
Thangwi mʼbodzi na mʼbodzi wa iwo anadzaphiwa mucisa ca mapiri ca Izau.+
10 Thangwi ya uphanga udacitira iwe mʼbale wako Yakobe,+
Iwe unadzaphatwa na manyadzo,+
Pontho unadzafudzwa kwenda na kwenda.+
11 Pa ntsiku idalimira iwe
mbuyangʼana kwene basi,
Pa ntsiku idakwatwa anyankhondo a Yakobe mbaendeswa ku ubitcu na anthu a dziko inango,+
Anthu a dziko inango pidapita iwo pansuwo wace ukulu mbacita pyakulotera+ thangwi ya Yerusalemu,
Iwe wacita pinthu ninga mʼbodzi wa iwo.
12 Iwe nee ukhafunika kukomerwa thangwi ya nyatwa zidagwera mʼbale wako pa ntsiku ikhathabuswa iye,+
Nee ukhafunika kutsandzaya pa ntsiku ikhaphiwa mbumba ya Yuda,+
Pontho nee ukhafunika kulonga mwakudzikuza pa ntsiku ya nyatwa zawo.
13 Nee ukhafunika kubwera pansuwo ukulu wa mbumba yanga pa ntsiku yakuthabuswa kwawo,+
Nee ukhafunika kukomerwa thangwi ya nyatwa zace pa ntsiku ikhathabuswa iye,
Pontho nee ukhafunika kutapata mpfuma zace pa ntsiku ya nyatwa zace.+
14 Nee ukhafunika kulimira pa mphambano toera kupha anthu ace akuti akhathawa,+
Pontho anthu ace adapulumuka nee ukhafunika kuapereka mʼmanja mwa anyamalwa awo pa ntsiku ya nyatwa.+
15 Thangwi iri dhuzi ntsiku ya Yahova inafuna iye kudzatonga madzindza anango onsene.+
Pinthu pidacitira iwe anango, pinadzacitwambo kuna iwe.+
Iwe unadzatsalakanwa munjira ibodzi ene idatsalakanira iwe anango.
16 Njira ikhamwera imwe vinyu paphiri yanga yakucena,
Madzindza onsene anadzamwambo ukali wanga ndzidzi onsene ninga ali kumwa vinyu.+
Iwo anadzamwa ukali wanga mbaukhudyula,
Pontho iwo anadzazambazika ninga cipo akhalapo kale.
17 Mbwenye ale anafuna kudzapulumuka anadzakhala paphiri ya Sioni,+
Pontho phiri ineyi inadzakhala yakucena;+
Dzindza ya Yakobe inadzakwata pinthu pyawo ninga unthaka.+
18 Dzindza ya Yakobe inadzakhala ninga moto,
Dzindza ya Zuze inadzakhala ninga lirimi ya moto,
Pontho dzindza ya Izau inadzakhala ninga maudzu;
Iwo anadzaagasa mbaapisa,
Pontho nee mʼbodzi wa dzindza ya Izau anadzapulumuka,+
Thangwi Yahova ndiye adalonga pyenepi.
Iwo anadzakunda cisa ca Efraimu na cisa ca Samariya,+
Pontho Bhenjamini anadzakunda Jiliyadhi.
20 Ale adaendeswa ku ubitcu kubulukira pa mbuto yakutsidzikizika,+
Akuti ndi mbumba ya Izraeli, anadzakwata dziko ya Akanani mpaka ku Sarefati.+
Mbumba ya mu Yerusalemu yakuti yaendeswa ku ubitcu, pontho yakuti ikakhala ku Sefaradhi, inadzakwata mizinda ya ku Nejebhu.+
21 Paphiri ya Sioni panadzabwera anyakupulumusa