Yoswa

16 Dziko idapaswa dzindza ya Zuze+ mwakubverana na cidzindikiro ca Mulungu,*+ ikhatomera ku Yordani, dhuzi na Yeriko mpaka ku madzi a kumabulukiro a dzuwa a Yeriko, ikhaphatanizambo thando ya kutsogolo kwa Yeriko, mbienda mpaka kucisa ca mapiri a Bheteli.+ 2 Kutomera ku Bheteli wa ku Luzi, dziko ineyi yapitiriza mpaka kumadire a Aareki ku Ataroti, 3 buluka penepo, yapitiriza na kumadokero a dzuwa mpaka kumadire a Ayafileti, pontho yapitiriza mpaka kumadire a Bheti-Oroni+ wa ku Materero na ku Jezeri,+ mbidhroma ku bara.

4 Natenepa dzindza ya Zuze,+ yakuti ndi Manase na Efraimu yakwata dziko yawo ninga unthaka.+ 5 Madire a dzindza ya Efraimu mwakubverana na mabanja awo akhali tenepa: Unthaka udapaswa iwo kumabulukiro a dzuwa, madire ace akhali Ataroti-Adhari+ mpaka ku Bheti-Oroni wa Kunthunda,+ 6 madire apitiriza mpaka ku bara. Kutomera ku Mikimetati+ kunkwiriro, madire a kumabulukiro a dzuwa apitiriza mpaka ku Tanati-Silo, pontho apitiriza na kumabulukiro a dzuwa mpaka ku Yanoa. 7 Bulukira ku Yanoa madire anewa apitiriza mpaka ku Ataroti na ku Naara mbafika ku Yeriko,+ pontho apitiriza mpaka ku Yordani. 8 Bulukira ku Tapuwa+ madire apitiriza na kumabulukiro a dzuwa mpaka ku Gowa* ya Kana, mbadhroma ku bara.+ Unoyu ndi unthaka wa dzindza ya Efraimu mwakubverana na mabanja awo; 9 dzindza ya Efraimu ikhalimbo na mizinda inango pakati pa unthaka wa Manase,+ mizinda yonsene na midzi yace.

10 Mbwenye Aefraimu nee athamangisa Akanani akakhala ku Jezeri,+ pontho Akanani asapitiriza kukhala pabodzi na Aefraimu mpaka lero,+ mbaphatiswa basa ninga mabitcu.+