Yoswa

19 Buluka penepo, cidzindikiro caciwiri+ cagwa kuna dzindza ya Simeoni+ mwakubverana na mabanja awo. Unthaka wawo ukhali pakati pa unthaka wa dzindza ya Yuda.+ 2 Unthaka wawo ukhali: Bhersebha+ pabodzi na Sabha, Moladha,+ 3 Azari-Suali,+ Bhala, Ezemu,+ 4 Elitoladhi,+ Bhetuli, Orma, 5 Zikilage,+ Bheti-Markabhoti, Azari-Suza, 6 Bheti-Lebhaoti+ na Sarueni. Mizinda 13 na midzi yace. 7 Aini, Rimoni, Eteri na Asani.+ Mizinda minai na midzi yace; 8 pontho midzi yonsene nʼkhundu mwa mizinda ineyi mpaka ku Bhalati-Bheeri, Rama wa kunterero. Unoyu ukhali unthaka wa dzindza ya Simeoni mwakubverana na mabanja awo. 9 Unthaka wa dzindza ya Simeoni wabuluswa mu unthaka wa dzindza ya Yuda, thangwi khundu ya dzindza ya Yuda ikhali ikulu kakamwe kuna iwo. Natenepa, dzindza ya Simeoni yatambira unthaka pakati pa unthaka+ wa dzindza ya Yuda.

10 Buluka penepo, cidzindikiro cacitatu+ cagwa kuna dzindza ya Zebhuloni+ mwakubverana na mabanja awo, pontho madire a unthaka wawo aenda mpaka ku Saridhi. 11 Madire awo apitiriza na kumadokero a dzuwa mpaka ku Mareali, mbafika ku Dhabheseti, buluka penepo aenda mpaka ku gowa* iri kutsogolo kwa Yokineyamu. 12 Bulukira ku Saridhi madire anewa apitiriza na kumabulukiro a dzuwa mpaka kumadire a Kiziloti-Tabhori, pontho apitiriza na ku Dhabherati+ mpaka ku Yafiya. 13 Buluka kweneko apitiriza na kumabulukiro a dzuwa mpaka ku Gati-Eferi,+ Eti-Kazini mpaka ku Rimoni, mbafika ku Nea. 14 Madire afunya na kunkwiriro mpaka ku Anatoni, mbadhroma pa Gowa ya Ifita-Eli, 15 pontho ku Katati, ku Naalali, ku Simironi,+ ku Idhala na ku Bhetelehemu.+ Mizinda 12 na midzi yace. 16 Unoyu ukhali unthaka wa dzindza ya Zebhuloni mwakubverana na mabanja awo.+ Ineyi ikhali mizinda na midzi yace.

17 Cidzindikiro cacinai+ cagwa kuna dzindza ya Isakari+ mwakubverana na mabanja awo. 18 Pontho madire awo apitiriza mpaka ku Yezrieli,+ ku Kesuloti, ku Sunemu,+ 19 ku Afaraimu, ku Siyoni, ku Anarati, 20 ku Rabhite, ku Kisiyoni, ku Ebhezi, 21 ku Remeti, ku Eni-Ganimu,+ ku Eni-Adha na ku Bheti-Pazezi. 22 Pontho madire anewa afika mpaka ku Tabhori,+ ku Sazuma na ku Bheti-Semesi, mbadhroma ku Yordani. Mizinda 16 na midzi yace. 23 Unoyu ukhali unthaka wa dzindza ya Isakari mwakubverana na mabanja awo,+ mizinda na midzi yace.

24 Cidzindikiro cacixanu+ cagwa kuna dzindza ya Azeri+ mwakubverana na mabanja awo. 25 Pontho madire awo akhali Elkati,+ Ali, Bheteni, Akisafe, 26 Alameleki, Amadhi na Misali. Kumadokero a dzuwa iwo akhafika mpaka ku Karmelo+ na ku Siori-Libhinati, 27 pontho iwo afunya mbabwerera na kumabulukiro a dzuwa mpaka ku Bheti-Dhagoni, mbapitiriza na ku Zebhuloni, kunkwiriro kwa Gowa ya Ifita-Eli, mbafika ku Bheti-Emeki na ku Neyeli. Iwo apitiriza na kukhundu yabzwere mpaka ku Kabhuli, 28 pontho apitiriza mpaka ku Ebhuroni, ku Reobhi, ku Amoni, ku Kana mpaka ku Sidhoni Wankulu.+ 29 Madire anewa afunya mbabwerera ku Rama, mbaenda mpaka ku nzinda wa Tiro+ wakuti ukhali na mpanda wakuwanga kakamwe. Buluka penepo, iwo afunya mbabwerera mpaka ku Osa, mbadhroma ku bara, cisa ca Akizibhi. 30 Afikambo ku Uma, ku Afeki+ na ku Reobhi.+ Mizinda 22 na midzi yace. 31 Unoyu ukhali unthaka wa dzindza ya Azeri mwakubverana na mabanja awo.+ Ineyi ikhali mizinda na midzi yace.

32 Cidzindikiro cacitanthatu+ cagwa kuna dzindza ya Nafitali mwakubverana na mabanja awo. 33 Madire awo akhatomera ku Elefi, pamuti ukulu wa ku Zaananimu,+ ku Adhami-Nekebhi na ku Yabhineli mpaka ku Lakumi, mbadhroma ku Yordani. 34 Madire anewa afunya mbabwerera na kumadokero a dzuwa mpaka ku Azinoti-Tabhori, pontho apitiriza mpaka ku Ukoki mbafika ku Zebhuloni, kunterero. Afikambo ku Azeri, kumadokero a dzuwa na ku Yuda, kumabulukiro a dzuwa a Yordani. 35 Pontho mizinda ya mipanda yakuwanga kakamwe ikhali Zidhimu, Zeri, Amati,+ Rakati, Kinereti, 36 Adhama, Rama, Azori,+ 37 Kedhesi,+ Edhirei, Eni-Azori, 38 Ironi, Migidhale-Eli, Oremu, Bheti-Anati na Bheti-Semesi.+ Mizinda 19 na midzi yace. 39 Unoyu ukhali unthaka wa dzindza ya Nafitali mwakubverana na mabanja awo,+ mizinda na midzi yace.

40 Cidzindikiro cacinomwe+ cagwa kuna dzindza ya Dhani+ mwakubverana na mabanja awo. 41 Pontho madire a unthaka wawo akhali Zora,+ Esitaoli, Iri-Semesi, 42 Salabhini,+ Aijaloni,+ Itila, 43 Eloni, Timina,+ Ekroni,+ 44 Eliteke, Jibhetoni,+ Bhalati, 45 Yeudhi, Bhene-Bheraki, Gati-Rimoni,+ 46 Me-Jarkoni na Rakoni, na madire adapita dhuzi na Jope.+ 47 Mbwenye cisa ca dzindza ya Dhani cikhali cingʼono kakamwe kuna iwo.+ Natenepa iwo aenda kamenya nkhondo ku Lesemu.+ Buluka penepo akunda nzinda unoyu, mbapha na supada anthu a mwenemu. Penepo iwo akwata nzinda unoyu, mbakhala mwenemu, pontho acinja dzina ya Lesemu mbikhala Dhani, thangwi Dhani ikhali dzina ya mbuyawo.+ 48 Unoyu ukhali unthaka wa dzindza ya Dhani mwakubverana na mabanja awo. Ineyi ikhali mizinda na midzi yace.

49 Natenepa, iwo amala kugawa dziko ninga unthaka. Buluka penepo, Aizraeli apasa unthaka Yoswa mwana wa Nuni pakati pawo. 50 Thangwi ya pidalonga Yahova, iwo ampasa nzinda udaphemba iye wa Timati-Zera,+ kucisa ca mapiri a Efraimu, iye amanga pontho nzinda unoyu mbakhala mwenemu.

51 Unoyu ukhali unthaka wakuti nyantsembe Eleazare, Yoswa mwana wa Nuni na atsogoleri a madzindza a Izraeli augawiza+ ku Silo+ mwakubverana na pidzindikiro pamaso pa Yahova, pansuwo wa nsasa wa nsonkhano.+ Natenepa iwo amala kugawa dziko.