5 Mambo Dhavidhi pidafika iye ku Bhaurimu, mamuna m’bodzi wa m’banja ya Sauli wakuti akhacemerwa Simei,+ mwana wa Jera, akhaenda kuna Dhavidhi uku mbakampasa dzedze.+ 6 Iye akhaponyera miyala Mambo Dhavidhi na atumiki ace onsene, kuphatanizambo anthu onsene pabodzi na amuna amphambvu akuti akhali kunkono wace wamadyo na wabzwere. 7 Mu ndzidzi ukhampasa iye dzedze, Simei akhalonga: “Buluka pano, buluka pano, iwe munthu wa mulando wa ciropa! Iwe munthu wakusowa basa!