• Yeremiya 49:7
    Bhibhlya ya Dziko Ipswa

    • 7 Ipi ndi pidalonga Yahova wa anyankhondo thangwi ya Edhomi:

      “Kodi ku Temani nkhabebve udziwisi?+

      Kodi ale ali na luso yakubvesesa nkhabebve udziwisi?

      Kodi udziwisi wawo wamala kubvunda?

  • Nyimbo ya Ciliro 4:22
    Bhibhlya ya Dziko Ipswa

    • 22 Imwe mbumba ya ku Sioni, kutcunyuswa kwanu thangwi ya madawo anu, kwafika kunkhomo.

      Mulungu nkhabe kudzakuendesani pontho ku ubitcu.+

      Mbwenye iye anadzakumbuka madawo anu, imwe mbumba ya ku Edhomi.

      Iye anadzapangiza pakweca madawo+ anu.

  • Obhadhiya 10-13
    Bhibhlya ya Dziko Ipswa

    • 10 Thangwi ya uphanga udacitira iwe mʼbale wako Yakobe,+

      Iwe unadzaphatwa na manyadzo,+

      Pontho unadzafudzwa kwenda na kwenda.+

      11 Pa ntsiku idalimira iwe

      mbuyangʼana kwene basi,

      Pa ntsiku idakwatwa anyankhondo a Yakobe mbaendeswa ku ubitcu na anthu a dziko inango,+

      Anthu a dziko inango pidapita iwo pansuwo wace ukulu mbacita pyakulotera+ thangwi ya Yerusalemu,

      Iwe wacita pinthu ninga mʼbodzi wa iwo.

      12 Iwe nee ukhafunika kukomerwa thangwi ya nyatwa zidagwera mʼbale wako pa ntsiku ikhathabuswa iye,+

      Nee ukhafunika kutsandzaya pa ntsiku ikhaphiwa mbumba ya Yuda,+

      Pontho nee ukhafunika kulonga mwakudzikuza pa ntsiku ya nyatwa zawo.

      13 Nee ukhafunika kubwera pansuwo ukulu wa mbumba yanga pa ntsiku yakuthabuswa kwawo,+

      Nee ukhafunika kukomerwa thangwi ya nyatwa zace pa ntsiku ikhathabuswa iye,

      Pontho nee ukhafunika kutapata mpfuma zace pa ntsiku ya nyatwa zace.+