• Eksodho 9:15, 16
    Bhibhlya ya Dziko Ipswa

    • 15 Ine mbidafuthula kale djanja yanga toera kukutcunyusa na muliri, iwe na mbumba yako; pontho iwe mbudafudzwa kale pa dziko yapantsi. 16 Mbwenye ine ndakusiya mpaka lero toera ndikupangize mphambvu zanga, pontho toera dzina yanga idziwiswe pa dziko yonsene yapantsi.+

  • Eksodho 14:17
    Bhibhlya ya Dziko Ipswa

    • 17 Ine ndinatawirisa kuti Aejitu aumise mitima yawo, natenepa iwo anadzaatowerera; munjira ineyi ndinadzapasika mbiri ndingadzakunda Farau na anyankhondo ace onsene, ngolo zace za nkhondo na anyamakavalo+ ace.

  • Aroma 9:17
    Bhibhlya ya Dziko Ipswa

    • 17 Khundu inango ya Malemba isalonga tenepa thangwi ya Farau: “Ine ndakusiya kuti upitirize kukhala na umaso toera kubulukira mwa iwe, ndipangize mphambvu zanga, pontho toera dzina yanga idziwiswe pa dziko yonsene yapantsi.”+