• Eksodho 15:11
    Bhibhlya ya Dziko Ipswa

    • 11 Yahova, ndi mulungu upi unango adalandana na imwe?+

      Mbani unango wakucena kakamwe+ ninga imwe?

      Imwe, wakuti mwathema kuimbirwa nyimbo toera kulemedzwa na kusimbwa, imwe wakuti musacita pinthu pyakudzumisa.*+

  • 2 Amambo 19:22-24
    Bhibhlya ya Dziko Ipswa

    • 22 Mbani adaxola iwe mbulonga naye mwakusowa cilemedzo?+

      Mbani adakhuwira iwe+

      Mbumuyang’ana mwakudzikuza?

      Ndi Wakucena wa Izraeli!+

      23 Waphatisira anthu adatuma iwe+ toera kuxola Yahova+ mbulonga:

      ‘Na ngolo zanga zizinji za nkhondo

      Ndinakwira padzulu pa mapiri,

      Mbuto zakutali kakamwe za Libhano.

      Ndinadzagwanda miti yace yakulapha ya sedhro, miti yace yadidi kakamwe ya junipero.

      Ndinadzaenda ku mbuto zace zakubisalira zakutali kakamwe, m’misitu yace yakupata kakamwe. 

      24 Ndinadzakumba micera, mbandimwa madzi a dziko inango;

      Ndinadzaumisa mikulo* yonsene ya ku Ejitu na manyalo anga.’

  • Izaiya 10:20
    Bhibhlya ya Dziko Ipswa

    • 20 Mu ndzidzi unoyu, ale anafuna kusala mu Izraeli

      Na ale anafuna kupulumuka a dzindza ya Yakobe

      Nee anaphedzerabve ule anaamenya;+

      Mbwenye iwo anadzaphedzera mwakukhulupirika Yahova,

      Wakuti ndi Wakucena wa Izraeli.

  • Ezekiyeli 39:7
    Bhibhlya ya Dziko Ipswa

    • 7 Ine ndinadzadziwisa dzina yanga yakucena pakati pa mbumba yanga ya Izraeli, cipo ndinadzatawirisa kuti dzina yanga yakucena ipswipiswe pontho; natenepa, anthu a madzindza anango anadzadziwa kuti ine ndine Yahova,+ Wakucena mu Izraeli.’+