BHIBHLIYOTEKA MU INTERNETI ya Torre de Vigia

Masalmo 22:16-18

Bhibhlya ya Dziko Ipswa
- 16 Thangwi anambwa andizungulira;+
  Iwo andizungulira ninga pinacita nsoka wa mapanga,+
  Ninga nkhalamu, iwo akuluma manja anga na manyalo anga.+
  
  17 Ine ndinakwanisa kulengesa magogodo anga onsene.+
  
  Anyamalwa anga asandiona, mbapitiriza kundiyangʼana.
  
  18 Iwo agawana nguwo zanga,
  Pontho acita pyakulotera thangwi ya nguwo yanga.+

Izaiya 53:1-12

Bhibhlya ya Dziko Ipswa
- 53 Mbani adakhulupira pinthu pidalonga ife?*+
  
  Pontho mphambvu* za Yahova+ zapangizwa kuna ani?+
  
  2 Iye anadzaphukira ninga nthawi ipswa+ pamaso pace,* ninga ntcitci unamera mu dziko yakusowa madzi.
  
  Iye nee anadzaoneka ninga munthu wacidzo, nee wakulemedzeka;+
  Pontho ife tingamuona, nee tinakomerwa na maonekero ace.*
  
  3 Iye akhapwazwa, pontho akhacalirwa na anthu,+
  Iye akhali munthu wakuti akhabva kupha, pontho akhadziwa kuti utenda ninji.
  
  Pikhali ninga atibisira nkhope yace.*
  
  Iye apwazwa, mbatimuona ninga wakusowa basa.+
  
  4 Mwandimomwene iye atithukulira mautenda athu,+
  Pontho akwata kubva kupha kwathu.+
  
  Mbwenye ife tamuona ninga munthu wakuthabuswa, wakutcunyuswa na Mulungu na wakubvuyiwa.
  
  5 Mbwenye iye alaswa+ thangwi ya madawo athu;+
  Iye athabuswa kakamwe thangwi ya madodo athu.+
  
  Iye atcunyuswa toera tikhale muntendere,+
  Pontho thangwi ya pironda pyace, ife tawangiswa.+
  
  6 Tonsene tikhafamba ninga mabira akutayika,+
  Mʼbodzi na mʼbodzi akhaenda kukhafuna iye,
  Pontho Yahova acitisa kuti madodo athu onsene agwere kuna iye.+
  
  7 Iye apondererwa+ mbatawira kuthabuswa,+
  Mbwenye nee alonga cinthu.
  
  Iye akwatwa ninga bira yakuti iri kuenda kaphiwa,+
  Iye akhali ninga bira ikazi yakuti nkhabe kukhuwa pakukwedzwa maweya,
  Pontho iye nkhabe kufungula mulomo wace.+
  
  8 Thangwi yakutongwa mwakusowa ulungami,* iye akwatwa;
  Pontho mbani anafuna kudzudzumika na mphangwa zinalonga pya dzindza yace?*
  
  Iye agwandwa mu dziko ya anthu ali mʼmaso;+
  Iye amenywa* thangwi ya madawo a mbumba yanga.+
  
  9 Maseze iye nee akhacita cinthu cakuipa,*+
  Pontho pamulomo pace nee pabuluka mafala authambi,+
  Iye aikhwa munthumbi* pakati pa anthu akuipa.
  Pidafa iye, aikhwa munthumbi na munthu wakupfuma.*+
  
  10 Mbwenye Yahova akhafuna kuti iye athabuswe kakamwe, pontho iye ancitisa kubva kupha.
  
  Imwe mungapereka umaso wace ninga ntsembe thangwi ya mulando,+
  Iye anadzaona dzindza* yace, anadzathimizira ntsiku zace,+
  Pontho Yahova anadzamʼphatisira toera kucita pinafuna iye.+
  
  11 Thangwi ya nyatwa zonsene zidatamba iye, anadzaona pidacita iye mbakomerwa.
  
  Thangwi ya pinthu pizinji pinadziwa iye, ntumiki wanga wakulungama,+
  Anadzacitisa anthu azinji kukhala akulungama,+
  Pontho iye anadzakwata madodo awo.+
  
  12 Na thangwi ineyi, ndinadzampasa khundu yace pabodzi na anango,
  Pontho iye anadzagawana pyakutapatwa na anthu amphambvu
  Thangwi iye apereka umaso wace mpaka kufa,+
  Pontho aoniwa ninga mʼbodzi wa anyakudawa;+
  Iye athukula madawo a anthu azinji,+
  Pontho iye apita pakati toera kuphedza anyakudawa.+

Dhanyeli 9:26

Bhibhlya ya Dziko Ipswa
- 26 “Pakupita masumana 62 Mesiya anadzaphiwa,+ pontho nee anadzasiya cinthu.+
  
  “Nsoka wa anyankhondo wa ntsogoleri wakuti akubwera, unadzafudza nzinda na mbuto yakucena.+ Mbuto yakucena inadzazambazika na madzi akudzala. Pontho panadzaoneka nkhondo mpaka kunkhomo; mwakubverana na pidatonga Mulungu, panadzaoneka kufudzwa.+