55 Pa ndzidzi unoyu, Yezu alonga kuna mwinji wa anthu kuti: “Thangwi yanji mwabwera kuna ine na masupada na mitcamu toera kundimanga ninga ndine mbava? Ntsiku zonsene ndikhali na imwe mu templo mbandipfundzisa,+ mbwenye imwe nee mwandimanga.+ 56 Mbwenye pyenepi pyonsene pyacitika toera akwanirisike mafala* adalongwa na aprofeta.”+ Penepo anyakupfundzace onsene ansiya mbathawa.+

48 Yezu aabvundza: “Thangwi yanji mwabwera kuna ine na masupada na mitcamu toera kundimanga ninga ndine mbava?+ 49 Ntsiku zonsene ndikhali na imwe mu templo mbandipfundzisa,+ mbwenye imwe nee mwandimanga. Ipi pikucitika toera kukwanirisa Malemba.”+