Atongi
5 Pa ntsiku ineyi, Dhebhora+ pabodzi na Bharaki+ mwana wa Abhinoamu aimba nyimbo+ iyi:
2 “Thangwi ya tsisi yakukhonda kumangwa* mu Izraeli,
Thangwi ya mbumba idaperekeka mwakufuna,+
Simbani Yahova!
3 Bveserani imwe amambo! Bveserani imwe atongi!
Ine ndinaimbira Yahova.
Ndinaimba nyimbo zakusimba Yahova,+ Mulungu wa Izraeli.+
4 Yahova, pidabuluka imwe ku Seiri,+
Pidafamba imwe buluka kucisa ca Edhomi,
Dziko yatekenyeka, madzi mbabvumba buluka kudzulu,
Makole abvumbisa madzi.
5 Mapiri anyunguluka* pamaso pa Yahova,+
Sinai anyungulukambo pamaso pa Yahova,+ Mulungu wa Izraeli.+
6 Mu ntsiku za Sangari+ mwana wa Anate,
Mu ntsiku za Jaeli,+ nkhabe munthu akhapita na miseu mikulu;
Anyakucita ulendo akhapita na miseu mingʼono.
7 Anthu akakhala mu Izraeli nee akhalipobve;*
Iwo nee akhalipobve mpaka pidalamuka ine Dhebhora,+
Mpaka pidalamuka ine ninga mama mu Izraeli.+
Nee pakhaonekabve xango peno dipa,
Pakati pa amuna 40.000 mu Izraeli.
9 Ntima wanga uli pabodzi na akulu a anyankhondo a Izraeli,+
Ale adaperekeka toera kumenya nkhondo pabodzi na mbumba.+
Simbani Yahova!
10 Imwe munafamba na makavalo akufuirira,
Imwe anakhala pa nguwo zakusonwa mwadidi,
Pontho imwe anafamba mu nseu,
Nyerezerani mabasa a Mulungu!
11 Mafala a anthu anatunga madzi akhabveka mʼmbuto zinatungwa madzi;
Mʼmbuto zenezi iwo akhalonga mabasa akulungama a Yahova,
Mabasa akulungama a anthu ace anakhala mupisa pya Izraeli.
Natenepa, mbumba ya Yahova yatcitira mpaka ku misuwo mikulu ya mizinda.
12 Lamuka, lamuka iwe Dhebhora!+
Lamuka, lamuka uimbe nyimbo!+
Bharaki,+ lamuka! Tsogolera anthu adakundwa, iwe mwana wa Abhinoamu!
13 Natenepa ale adasala aenda kuna anthu akubvekera;
Mbumba ya Yahova yabwera kuna ine toera kumenyana na amuna amphambvu.
14 Ale akhali mu gowa akhali a dzindza ya Efraimu;
Iwo akutowera iwe Bhenjamini, pakati pa mbumba yako.
Atsogoleri a anyankhondo abuluka ku Makiri,+
Pontho ale adakwata anthu toera akhale anyankhondo abulukira mu dzindza ya Zebhuloni.*
15 Atsogoleri a dzindza ya Isakari akhali pabodzi na Dhebhora,
Ninga pikhali Isakari pabodzi na Dhebhora, Bharaki+ akhalimbo pabodzi na iye.
Iye aenda na miyendo+ ku gowa.
Mu dzindza ya Rubheni, azinji akhanyinyirika.
16 Thangwi yanji iwe wakhala pakati pa mitolo miwiri,*
Mbukabvesera akumbizi anaimbira pitoliro mabira+ awo?
Mu dzindza ya Rubheni, azinji akhanyinyirika.
17 Jiliyadhi apitiriza kuntunda unango wa Yordani;+
Pontho thangwi yanji Dhani akhala pabodzi na mabote?+
18 Zebhuloni ikhali mbumba idaikha umaso wawo pangozwi mpaka cifupi na kufa;
Mbumba ya Nafitali yaikhambo+ pangozwi umaso wawo mʼmapiri.+
Ku Tanaki, dhuzi na madzi a Mejidho.+
Iwo nee akwata parata+ ninga pinthu pyakutapatwa.
20 Nyenyezi zacita nkhondo kudzulu;
Kubulukira kudzulu izo zamenyana na Sizera.
Ine ndanyedza anthu amphambvu.
22 Natenepa nyondo za makavalo zatekenyesa mataka
Mu ndzidzi wakuti makavalo ace ankhondo akhathamanga mwamphambvu.+
23 Anju wa Yahova alonga: ‘Pasani dzedze Merozi,
Inde, pasani dzedze anthu anakhala mwenemo.
Thangwi iwo nee abwera kudzaphedzera Yahova,
Toera kuphedzera Yahova na anyankhondo amphambvu.’
24 Jaeli+ mbasimbwe kakamwe pakati pa akazi onsene
Nkazi wa Ebheri,+ Nkeneu;
Iye ndi nkazi wakusimbwa kakamwe mwa akazi onsene anakhala mʼmisasa.
25 Sizera aphemba madzi, Jaeli mbampasa nkaka.
Iye ampasa nkaka+ wakukhota nʼkhomitco ikulu inaphatisirwa pa phwando.
26 Iye afuthula nkono wace mbakwata ntciri ya nsasa,
Na nkono wace wamadyo akwata martelo.*
Iye akhomera Sizera, mbanyedza nsolo wace,
Pontho iye amʼphola mbagwanda ntsaya+ zace.
27 Sizera agwa nʼnyonga mwace; agwa mbapitiriza tenepo;
Iye agwa nʼnyonga mwace, iye agwa;
Padagwera iye, akundwa penepo.
28 Nkazi akhayangʼana na pajanela.
Nkazi unoyu akhali mai wace Sizera. Iye akhabvundzika:
‘Thangwi yanji ngolo yace ikudembuka kufika?
Thangwi yanji nee ndiri kubva ntiti wa makavalo ace?’+
29 Nkazi waudziwisi mwa akazi andzace akulemedzeka antawira;
Inde, iye akhabwerezerambo mafala awa:
30 ‘Panango iwo akugawana pinthu pidatapata iwo kunkhondo,
Ntsikana mʼbodzi,* atsikana awiri,* kuna nyankhondo mʼbodzi na mʼbodzi,
Nguwo yakugadza kuna Sizera, inde, nguwo yakugadza kuna iye,
Nguwo ibodzi yakulukwa, nguwo yakugadza, nguwo ziwiri zakulukwa
Toera kuziikha nʼkhosi mwa anyakutapata.’
31 Natenepa Yahova, mbaphiwe+ anyamalwa anu onsene,
Mbwenye tawirisani kuti ale anakufunani akhale ninga ceza ca dzuwa.”
Pontho dziko yakhala muntendere mu pyaka 40.+