Khalani Maso Kwenda Na Kwenda Mwa Kutsanzaya M’Dziko Yapantsi!
Bruxura ino yadindwa towera kukuphedzani kudziwa mbani adacita dziko yapantsi na pinthu pyonsene piri mwenemo. Munati mupfunze kuti Mulungu, adacita dziko yapantsi, ali na dzina. Muno tisafokotoza pina thangwi yace Mulungu acita munthu na kuti munakwanisa tani kukhala maso kwenda na kwenda mwa kutsanzaya m’dziko yapantsi.
Tisadikhira kuti pithunzithunzi pyakuinjipapyo pinakuphedzani kunyerezera mwadidi pinthu pyenepi. Towera muphindule pikulu pene na pyenepi, musafunika muleri malemba a m’Bibilya ali pakhundu pa pithunzithunzi pyakubvirira. Tenepa munadzapileriri mwekha pya mapikiro anango adidi a Mulungu, ali m’Bibilya, na pya kulongwa na Mulungu kuti musafunika kupicita towera mutambire kukwanakwana kwa mapikiro anewa.
Panango musafunambo kuphatisira basa bruxura ino towera kuphedza anthu anango. Khala muna ana, munakwanisa kuiphatisira basa towera kuwaphedza kupfunza pya Mulungu. Khala muli m’dziko yakuti anthu akulu akuinjipa nkhabe dziwa kuleri, munakwanisa kuphatisira basa pithunzithunzi towera kuwaphedza kubvesa pifuniro pya Mulungu, towera kuti iwo, nawombo, akwanise kuphedza acifupi nawo.
Tisadikhira mwa ntima onsene kuti pfunziro ya cidziwiso cino cinacitisa kuti mukwanise kutambira nkhombo zakuinjipa, mpaka na kupangizambo anthu anango kuti anakwanisa tani kukhala maso kwenda na kwenda mwa kutsanzaya m’dziko yapantsi.