Kodi Mbani Adakusasanyani?

1 Mulungu acita kudzulu na dziko yapantsi.—Genesi 1:1.

2 Mulungu ana dzina ibodzi. Dzinace ndi Yahova.—Masalimo 83:18.

Yahova asakhala kudzulu. Iye ndi nzimu. Imwe nkhabe kwanisa kumuona.—Yesaya 66:1; Juwau 1:18; 4:24.

3 Yahova Mulungu acita maanju akuinjipa kudzulu. Iwo pina ndi mizimu. Onsene akhali adidi. Ndulimu, m’midzidzi inango akhabvala manungo a anthu towera kuti anthu akwanise kuwaona.—Ayeberi 1:7.

4 Yahova acita pinyama kalene kakamwe, mbadzati kucita munthu.—Genesi 1:25.

5 Yahova acita pina mamuna wakucemerwa Adamu na nkazace, wakucemerwa Yeva.—Genesi 1:27.

Mulungu aaikha m’munda wakubalika peno paradizu. Iye acitira Adamu nkazi mbodzi basi. Mamuna akhafunika kukhala na nkazi mbodzi unoyu.—Genesi 2:8, 21, 22, 24.

6 Munthu ndi moyo.—Genesi 2:7.

7 Pinyama ndi mioyo.—Genesi 1:24.