Longani Pinakomerwa na Anango

Yezu Acitanji?

VIDHYU: Yezu na Nkazi pa Ncera

1. Onani VIDHYU, peno lerini Juwau 4:6-9. Buluka penepo onani mibvundzo iyi:

1. Yezu aonanji kuna nkazi mbadzati kutomesa makani?

2. Yezu alonga: “Ndipasembo madzi ndimwe.” Thangwi yanji ineyi ikhali njira yadidi yakutomesa makani?

Tisapfundzanji na Pidacita Yezu?

2. Ife tinakwanisa kucedza mwadidi na munthu tingatoma kulonga pinthu pyakuti iye asakomerwa napyo.

Towezerani Yezu

3. Cinjani mwakucimbiza njira yanu yakumwaza mphangwa. Lekani kakamizika kulonga pinthu pidakhunganyika imwe kunyumba khala makhaliro a munthu nkhabe tawirisa. Tomani kulonga pinthu pinadzudzumika na anthu. Bvundzikani:

1. ‘Ndi mphangwa zipi zinabva anthu?’

2. ‘Kodi anthu apacisa, andzanga a kubasa peno a kuxikola asalonganji kazinji kene?’

4. Onani mwadidi. Bvundzikani:

1. ‘Ninji pinacita munthu cincino? Ndi pinthu pipi pyakuti panango akupinyerezera?’

2. ‘Nguwo zidabvala iye, maonekero ace peno nyumba yace isandipanganji thangwi ya pinakhulupira iye peno misambo yace?’

3. ‘Kodi uno ndi ndzidzi wakuthema toera kucedza na munthu unoyu?’

5. Bveserani.

1. Lekani kulonga kakamwe.

2. Citisani munthu anacedza na imwe toera kulonga piri muntima mwace. Pingakhala pyakuthema, nciteni mibvundzo.