Bverani Anthu Ntsisi

Bhibhlya isalonga: “Tsandzayani na ale anatsandzaya; lirani na ale analira.” —Aroma 12:15.

Yezu Acitanji?

Yezu na anyakupfundzace akubuluka m’bote kuenda kugombe kuna mwinji wa anthu wakuti ukuadikhira.

VIDHYU: Yezu Abvera Ntsisi Mwinji wa Anthu

1. Onani VIDHYU, peno lerini Marko 6:30-34. Buluka penepo onani mibvundzo iyi:

Thangwi yanji Yezu na apostolo ace akhafuna kuenda “ku mbuto ya paokha”?
Ninji pidacitisa Yezu kupfundzisa mwinji wa anthu?

Tisapfundzanji na Pidacita Yezu?

2. Ife tisafuna kupanga anthu mphangwa zadidi, pontho tisafuna kuaphedza.

Towezerani Yezu

3. Bveserani mwadidi. Siyani munthu alonge piri muntima mwace. Lekani kun’gwandira mafala, kucimbiza na kupwaza maonero ace, pontho lekani kupwaza pinthu pinandzudzumisa peno kumpokanya. Mungambvesera mwadidi munapangiza kuti musatsalakana maonero ace.

4. Nyerezerani munthu adapangiza cifuno. Mwakubverana na pidacedza imwe, bvundzikani:

‘Thangwi yanji iye asafunika kubva undimomwene?’
‘Kupfundza Bhibhlya kunam’phedza tani toera akhale na umaso wadidi cincino na ntsogolo?’

5. Longani pinthu pyakuti pinam’phedza. Lekani dembuka kumpangiza kuti pfundziro ya Bhibhlya inakwanisa kutawira mibvundzo yace na kum’phedza munjira zinango.

ONANIMBO

Aroma 10:13, 14; Afil. 2:3, 4; 1 Ped. 3:8