Pyankati

15 Ya Maindza Ya 2015

NCENJEZI WA PFUNDZIRO

1-7 YA MADZALO, 2016

Yahova Ndi Mulungu Wakuti Asalonga Na Anthu

TSAMBA 4

8-14 YA MADZALO, 2016

Kuthumburuzwa Kwa Bhibhlya Yakukhuya Ntima

TSAMBA 9

15-21 YA MADZALO, 2016

Phatisirani Mwadidi Mphambvu Ya Lirimi Yanu

TSAMBA 18

22-28 YA MADZALO, 2016

Yahova Anatiphedza Tingathimbana Na Utenda

TSAMBA 23

MISOLO YA PFUNDZIRO

▪ Yahova Ndi Mulungu Wakuti Asalonga Na Anthu

▪ Kuthumburuzwa Kwa Bhibhlya Yakukhuya Ntima

Mu pyaka pikwi na pikwi, Yahova asalonga na atumiki ace mu pilongero pyakusiyana-siyana. Misolo iyi isapangiza kuti kusiyana kwa pilongero nee kusapingiza Mulungu toera kulonga na anthu. Tinadzapfundza kuti Bhibhlya ya Tradução do Novo Mundo, kuphatanizambo idasasanyirwa papswa mu caka 2013, ndi feramentu yamphambvu toera kucenesa dzina ya Mulungu na kudziwisa cifuno cace.

▪ Phatisirani Mwadidi Mphambvu Ya Lirimi Yanu

Luso yakulonga ndi muoni wadidi kakamwe udatipasa Mulungu. Nsolo uno usafokotoza makhundu matatu a malongero athu. Usatikulumizambo kutowezera citsandzo ca Yezu mu kuphatisira muoni unoyu wamphambvu kakamwe toera kulemedza Mulungu na kuphindulisa anango.

▪ Yahova Anatiphedza Tingathimbana Na Utenda

Tonsene tisathimbana na utenda. Mphapo tisafunika kudikhira kuti Yahova atiwangise ninga mudawangisa iye anthu anango m’midzidzi ya Bhibhlya? Tisafunika kudinganji munthu angatipasa maonero akutsalakana ungumi? Nsolo uno unadzatiphedza toera kutawira mibvundzo ineyi na kucita pisankhulo pyathu.

MU REVISTA INO MUSAGUMANIKAMBO MISOLO IYI

3 Musakumbuka?

14 Kusasanyirwa Papswa Kwa Bhibhlya Ya Tradução do Novo Mundo Mu Caka 2013

28 Ndiri Mu Ntendere Na Mulungu Na Mai Wanga

32 Ndandanda Wa Mphangwa Za Ncenjezi Wa Caka 2015

TSAMBA YAKUTOMA: Mpainiya wakupambulika akumwazira mphangwa mama na anace mwakutsandzaya. Pilongero pinaphatisirwa kakamwe mu dziko ineyi ndi Cixipanyola na mu Ciguarani, undimomwene usamwazwa mu pilongero pyenepi

PARAGUAI

ANTHU

6.800.236

AMWAZI MPHANGWA