Ndandanda Wa Nsonkhano Wa Basa

Sumana Inatoma Pa 9 Ya Nthanda Ya Thongwe

Nyimbo 10

Mphindi 10: Pidziwiso pyapampingo. M’kuphatisira maperekero a umboni anagumanika pa tsamba 8 peno maperekero anango a umboni anabverana na cisa canu, pangizani kuti munagawira tani A Sentinela ya 15 de Janeiro na Despertai! ya Janeiro. Citsanzo cibodzi cisafunika kupangiza mmwazi mphangwa mbakapereka umboni m’cisa ca malonda.

Mphindi 15: “Bukhu Yakuti Biblya Isapfunzisanji—Ciphedzo Cathu Cakutoma Ca Pfunziro Ya Biblya.”* Galamusani anthu kuti atomese mapfunziro a Biblya m’bukhu ipswa ineyi.

Mphindi 20: “Munatomesa Tani Mapfunziro Na Bukhu Yakuti Biblya Isapfunzisanji.” Kuceza na anyakubvesera m’kuphatisira pitsanzo pinagumanika pa tsamba 3 ya nthimiziro. Tingakwanise kutoma kuphatisira mwakucimbiza bukhu yakuti Biblya Isapfunzisanji towera kutoma na kucitisa pfunziro ya Biblya na ale anapangiza kufuna. Citani pitsanzo pitatu pyakukhunganywa mwadidi. Cakutoma cisafunika cipangize kuti tinaphatisira tani tsamba 4-5, caciwiri kuti tinaphatisira tani tsamba 6, na cacitatu kuti tinaphatisira tani ndima yakutoma inagumanika pa tsamba 7 towera kutomesa pfunziro ya Biblya pa kucita ulendo wakubwerezera. Longani mwanyapantsi ntsonga zikulu za citsanzo cibodzi na cibodzi, na zigomezereni pontho kunkhomo kwa citsanzo. Ndima za bukhu yakuti Biblya Isapfunzisanji zingakwanise kudingwa mwacigwagwa m’pitsanzo pyenepi. Citsanzo cibodzi na cibodzi cisafunika kumaliswa mmwazi mphangwa mbakacita masasanyiro a ulendo wakubwereza.

Nyimbo 125 na phembero yakumalisa.

Sumana Inatoma Pa 16 Ya Nthanda Ya Thongwe

Nyimbo 178

Mphindi 10: Pidziwiso pyapampingo. Pidziwiso pyakusankhulwa m’Utumiki Wathu Wa Umambo. Wangisani onsene kuti aleri nsolo wakuti “A salvação pertence a Jeová” unagumanika m’A Sentinela ya 15 de Setembro de 2002 tsamba 21-5, m’kukhunganyikira nkhani inafuna kudzacitwa m’masumana mawiri m’Nsonkhano Wa Basa.

Mphindi 15: Akukhunganyika Towera Kucita Cifuno Ca Yahova. Nkhani pabodzi na kuceza na anyakubvesera yakubuluswa m’bukhu Organizados para Fazer a Vontade de Jeová tsamba 4-7. Mokhonda piringana mphindi zitatu longani mafala akutoma anagumanika pa tsamba 4, buluka penepo cezani na anyakubvesera m’kuphatisira tsamba 5 mpaka pa nsolo ung’ono wa pa tsamba 7. Ndima zinango za bukhu ya Organizados zinadzapfunzwa pa Misonkhano Ya Basa inafuna kudza.

Mphindi 20: “Aphale Na Atsikana Anayetima Ninga Ceza.”a Phembani aphale na atsikana alonge kuti asakwanisa tani kupereka umboni ku xikola. Nyakulonga mbodzi peno awiri angakwanise kupangwa mwanyapantsi.

Nyimbo 107 na phembero yakumalisa.

Sumana Inatoma Pa 23 Ya Nthanda Ya Thongwe

Nyimbo 60

Mphindi 10: Pidziwiso pyapampingo. Lerini lipoti ya kobiri na kupereka takhuta ku pyakuperekwa. M’kuphatisira maperekero a umboni anagumanika pa tsamba 8 peno maperekero a umboni anango anabverana na cisa canu, pangizani kuti munagawira tani A Sentinela ya 1.° de Fevereiro na Despertai! ya Fevereiro. Citsanzo cibodzi cisafunika kucitwa na mphale peno ntsikana.

Mphindi 15: Pyakufuna pyapampingo.

Mphindi 20: “Pangizani Kutsalakana Kwanu Anango—M’kucita Mabvunzo Na Kubvesera.”* Munadinga imwe ndima 2, bvunzani anyakubvesera kuti ndi mabvunzo api adaona iwo kukhala adidi towera kutomesa nawo makani. Pangizani kuti tinadzindikira tani piri m’ntima mwa anthu m’kucita mabvunzo mwaluso na kubvesera mwacidikhodikho.

Nyimbo 205 na phembero yakumalisa.

Sumana Inatoma Pa 30 Ya Nthanda Ya Thongwe

Nyimbo 197

Mphindi 10: Pidziwiso pyapampingo. Kumbusani amwazi mphangwa kuti apereke lipoti ya basa ya nthanda ya Thongwe. Tcululani mabukhu anafuna kugawirwa m’nthanda ya Madzalo, na citani citsanzo cibodzi.

Mphindi 15: Cipulumuso Cisabuluka Kwa Yahova. Nkhani yakucitwa na nkulu wampingo yakubuluswa m’A Sentinela ya 15 de Setembro de 2002 tsamba 21-5. Pangizani maphatisiro a pidapfunza ife kubulukira ku citsanzo ca Sadrake, Misake na Abdenago cinagumanika pa tsamba 23-4 pantsi pa nsolo ung’ono wakuti: “Recuse com respeito.” Simbani anyakubala na thangwi ya kupfunzisa anapiana awo njira ya kulemedza pidzindikiro pya dziko mokhonda kuikha cikhulupiro cawo pangobzi. Simbani anapiana a thunga ya kuenda ku xikola na thangwi ya citsanzo cawo cadidi ca umumphu.

Mphindi 20: “Aphale Na Atsikana—Phindulani Na Mwai Wakukhala Pa Xikola.”* Phatanizani ntsonga zakufunika zakubuluswa m’Despertai! ya 22 de Janeiro de 2004, tsamba 13-15, na A Sentinela ya 15 de Junho de 2005, tsamba 29.

Nyimbo 45 na phembero yakumalisa.

Sumana Inatoma Pa 6 Ya Nthanda Ya Madzalo

Nyimbo 74

Mphindi 10: Pidziwiso pyapampingo.

Mphindi 25: Dziwani Ciphedzo Cathu Cipswa Cakupfunzisa. Nkhani na kuceza na anyakubvesera. Phembani anyakubvesera alonge ntsonga zidaakomera kakamwe za bukhu yakuti Biblya Isapfunzisanji, ninga mabvunzo akutoma na bokosi yakubwerezera pidapfunzwa yakuti isagomezera ntsonga zikulu za nsolo ubodzi na ubodzi zinagumanika pa (tsa. 106, 114), pithunzithunzi pinaphedza kubvesesa pinagumanika pa (tsa. 122-3, 147, 198), na nthimiziro unagumanika pa (tsa. 197, ndima 1-2). Mapfunzisiro a bukhu ndi adidi na akukomeresa (tsa. 12, ndima 12). Iyo isafokotoza undimomwene mokhonda nensa (tsa. 58, ndima 5) na isaphatisira mwadidi pitsanzo (tsa. 159, ndima 12). Matsamba akutoma acitwa towera kutiphedza kutomesa mapfunziro a Biblya (tsa. 3-7). Pangizani kuti munaphatisira tani bokosi inagumanika pa tsamba 7 na nyakupfunza Biblya mupswa. Longani pyakugumanika napyo pidakomerwa na imwe m’kuphatisira bukhu ipswa.

Mphindi 10: Upainiya wakuphedza usabweresa nkhombo. (Mis. 10:22) Phembani ale adaphata basa ninga apainiya akuphedza nkati mwa nthanda ya Maindza mpaka Murope (murope) udapita towera alonge kuti ndi masasanyiro api adacita iwo towera kukwanisa pyenepi na ndi kukomerwa kupi na ndi nkhombo zipi zidatambira iwo ninga cakubwereswa. Wangisani onsene kuti acite phembero towera kuona khala anakwanisa kukhala apainiya akuphedza nkati mwa nthanda ya Murope, Bwinja na Gonkho.

Nyimbo 16 na phembero yakumalisa.

[Footnotes]