Ndandanda Wa Nsonkhano Wa Basa

Sumana Inatoma Pa 9 Ya Nthanda Ya Malandalupya

Nyimbo 25

Mphindi 10: Pidziwiso pyapampingo. Pidziwiso pyakusankhulwa m’Utumiki Wathu Wa Umambo. M’kuphatisira maperekero umboni anagumanika pa tsamba 8 peno maperekero umboni anango akubverana na cisa canu, pangizani kuti munagawira tani A Sentinela ya 15 de Outubro na Despertai! ya Outubro pabodzi na Mphangwa Za Umambo N.° 37.

Mphindi 15: “Phedzani Anango Kukhala Axamwali A Mulungu.”a Phembani anyakubvesera towera afokotoze kuti citsanzo na phembero yakuphata ntima ya anango pyaaphedza tani kuenda kutsogolo mpaka kubatizwa.

Mphindi 20: Khunganyikani Towera Kugawira Mphangwa Za Umambo N.° 37. Nkhani pabodzi na kuceza na anyakubvesera. Bwerezerani masasanyiro akugawira adalongwa m’Utumiki Wathu Wa Umambo wa nthanda ya Nyenzi. Kulumizani amwazi mphangwa onsene towera kucita khundu mwakukwana. Wangisani ale ali na anyakupfunza Biblya akuenda kutsogolo towera kudinga khala anyakupfunza awo asathema kucita khundu m’kugawira ninga amwazi mphangwa okhonda batizwa. Anyakubala angakwanisembo kudinga anawo khala asathema kucita khundu. Pangizani mwacigwagwa pyakufunika pinagumanika m’bukhu ya Organizados para Fazer a Vontade de Jeová tsamba 79-81.

Nyimbo 221 na phembero yakumalisa.

Sumana Inatoma Pa 16 Ya Nthanda Ya Malandalupya

Nyimbo 84

Mphindi 10: Pidziwiso pyapampingo.

Mphindi 20: Khuphata Basa Mwakubverana Pantsi Pa Utsogoleri Wa Kristu. Nkhani yakubuluswa m’mphangwa ziri pantsi pa nsolo ung’ono wakuti “Kusabvekanji Kudzindikira Mbuto Ya Yezu,” zinagumanika pa tsamba 4 ya Utumiki Wathu Wa Umambo wa nthanda ya Nyenzi.

Mphindi 15: “Kodi Ndi Ninji Pinaikha Imwe Pa Mbuto Yakutoma?”* Phembani amwazi mphangwa kufokotoza kuti acinja tani ndandanda wawo towera kuikha pifuno pya Umambo pa mbuto yakutoma na ndi maphindu api adakhala na iwo ninga pyakubwereswa.

Nyimbo 172 na phembero yakumalisa.

Sumana Inatoma Pa 23 Ya Nthanda Ya Malandalupya

Nyimbo 58

Mphindi 10: Pidziwiso pyapampingo. Lerini lipoti ya kobiri pabodzi na tsamba ya filiali ya kupereka takhuta. M’kuphatisira maperekero umboni anagumanika pa tsamba 8 peno maperekero umboni anango akubverana na cisa canu, pangizani kuti munagawira tani A Sentinela ya 1.° de Novembro na Despertai! ya Novembro. Pa citsanzo cibodzi, pangizani kuti munalonga tani na munthu anagwanda makani m’kulonga kuti: “Thangwi yanji imwe musacezera anthu kazinji kene?”—Onani bukhu ya Raciocínios tsa. 20.

Mphindi 15: Pyakufuna pyapampingo.

Mphindi 20: “Phindulani Mwakukwana Na Misonkhano Ya Basa Ya Mmunda.”* Munadinga imwe ndima 3, phatanizani mphangwa za Perguntas Respondidas zinagumanika m’Nosso Ministério do Reino wa Setembro de 2001, ndima 4, zinalonga pinafunika kucitwa pangasoweka m’bale wakusankhulwa towera kucitisa nsonkhano wa basa ya mmunda.

Nyimbo 143 na phembero yakumalisa.

Sumana Inatoma Pa 30 Ya Nthanda Ya Malandalupya

Nyimbo 207

Mphindi 10: Pidziwiso pyapampingo. Kumbusani amwazi mphangwa onsene kuti apereke lipoti ya basa ya mmunda na alembe kuntsi kwa lipoti cilengeso ca Mphangwa Za Umambo N.° 37 zidagawira iwo.

Mphindi 15: Kodi Ndinamwaza Tani Mphangwa Zadidi Kwa Anzanga A Ku Xikola? Nkhani pabodzi na kuceza na anyakubvesera yakubuluswa m’revista ya Despertai! ya 22 de Março de 2002, tsamba 10-12. Phembani anyakubvesera kuti alonge pyakugumana napyo pyadidi pidakhala na iwo pa kumwaza mphangwa kwa anzawo a ku xikola.

Mphindi 20: Pyakugumana napyo pa kugawira Mphangwa Za Umambo N.° 37. Phembani amwazi mphangwa kuti alonge maphindu akuwangisa adatambira iwo m’kugawira Mphangwa Za Umambo N.° 37. Longani kuti ndi pisa pingasi pidaphatwa basa mpaka pano, na ndi ninji pinafuna kudzacitwa towera kugawira pisa pyonsene mpaka 12 ya nthanda ya Bingu. Citani citsanzo ca ulendo wakubwerezera m’kuphatisira bukhu yakuti Biblya Isapfunzisanji. Kumbusani amwazi mphangwa kuti mbisati fika ntsiku yakumalisa ya kugawira asafunika kubweza Mphangwa Za Umambo zonsene zinaona iwo kuti nee anadzazikwanisa kuzigawira towera zipaswe anango kuti azigawire.

Nyimbo 136 na phembero yakumalisa.

Sumana Inatoma Pa 6 Ya Nthanda Ya Bingu

Nyimbo 146

Mphindi 10: Pidziwiso pyapampingo. M’kuphatisira maperekero umboni anagumanika pa tsamba 3-6 ya Nosso Ministério do Reino wa Junho de 2005, peno maperekero umboni anango akubverana na cisa canu, pangizani kuti munagawira tani bruxura yakuti Khalani Maso Kwenda Na Kwenda Mwa Kutsanzaya M’Dziko Yapantsi! ku khundu yaciwiri ya nthanda ya Bingu.

Mphindi 15: Kulisani Kukomerwa Pabodzi Na Kulemedza Ntsiku Ya Ukwati Wanu. Nkhani yakukambwa na nkulu wa mpingo yakubuluswa m’A Sentinela ya 15 de Outubro de 2006, tsamba 28-31.

Mphindi 20: Kumwaza Mphangwa Kusatsanzayisa. Nkhani pabodzi na kuceza na anyakubvesera yakubuluswa m’revista ya A Sentinela ya 15 de Janeiro de 2002, tsamba 8-9. Phembani anyakubvesera towera alonge kuti utumiki waatsanzayisa tani. Nyakulonga mbodzi peno awiri angakwanise kusankhulwa mwanyapantsi.

Nyimbo 8 na phembero yakumalisa.

[Footnotes]