Ndandanda Wa Nsonkhano Wa Basa

Sumana Inatoma Pa 11 Ya Nthanda Ya Maindza

Nyimbo 174

Mphindi 10: Pidziwiso pyapampingo. M’kuphatisira maperekero umboni anagumanika pa tsamba 12 peno maperekero umboni anango akubverana na cisa canu, pangizani kuti munagawira tani A Sentinela ya 15 de Dezembro na Despertai! ya Dezembro. Pa citsanzo cibodzi, pangizani kuti munatawira tani munthu anagwanda makani m’kulonga kuti: “Ine nkhabe komerwa napyo.”—Onani bukhu ya Raciocínios, tsa. 16.

Mphindi 15: Xikola Ya Utumiki Wa Mulungu ya 2007. Nkhani pabodzi na mabvunzo na matawiro yakucitwa na muyang’aniri wa xikola. Longani ntsonga zakuphata basa pa mpingo zakubuluswa m’nthimiziro wa Utumiki Wathu Wa Umambo wa nthanda ya Malandalupya wa 2006. Fokotozani kuti muyang’aniri wa xikola nkhabe kudziwisa mwanyapantsi luso ya kulonga inaphata basa nyakupfunza. Nakuti tinadzamalisa kuleri Malemba Acihebere kutomera Izaiya 24 mpaka kumalisira Malakiya m’caka ca 2007, caka ceneci cinadzakhala nzidzi wakuthema kwa abale akusankhulwa towera kukhunganya nkhani za ntsonga za m’Biblya na kwa anango anatawira towera kuphatisira mabukhu athu anafokotoza mabukhu anewa aciprofesiya. Bvunzani amwazi mphangwa awiri peno atatu mwa akutowerera awa: nyakupfunza mupswa, nyakupfunza wa mwana wakuti akuthambaruka mwadidi, na nyakupfunza waluso. Aphembeni kuti alonge maphindu a xikola m’utumiki wawo na m’uzimu wawo. Wangisani onsene kukhala aphinga m’kucita nkhani zawo, m’kutawira pa nkhani ya ntsonga za m’Biblya na kuphatisira maonero anaperekwa pa sumana na sumana akubuluswa m’bukhu yakuti Beneficie-se da Escola do Ministério Teocrático.

Mphindi 20: “Lekani Kuluza Kufuna Kukhali Na Imwe Pakutoma.”a Nzidzi ungakhalapo, phembani anyakubvesera towera kufokotoza malemba akusowa mafala m’ndima.

Nyimbo 193 na phembero yakumalisa.

Sumana Inatoma Pa 18 Ya Nthanda Ya Maindza

Nyimbo 150

Mphindi 10: Pidziwiso pyapampingo. Pidziwiso pyakusankhulwa m’Utumiki Wathu Wa Umambo. Dingani Bokosi ya Mabvunzo. Longani masasanyiro akupambulika a basa ya mmunda a 25 ya nthanda ya Maindza na 1 ya nthanda ya Thongwe.

Mphindi 15: “Citani Maulendo Akubwerezera Kwa Ale Anapangiza Kufuna.”* Phembani anyakubvesera towera alonge kuti akwanisa tani kugumana mphangwa za kupita m’cibverano na anthu adapangiza kufuna adagumanikana na iwo m’kucita utumiki wa ntsusukano peno umboni wa m’nseu na kulonga pyakugumana napyo m’kucita maulendo akubwerezera kwa anthu anewa. Nyakulonga mbodzi peno awiri angakwanise kupangwa mwanyapantsi.

Mphindi 20: “Nzimu Wakuperekeka Usabweresa Maphindu.”* Bvunzani mmwazi mphangwa mbodzi peno awiri anadziwika na nzimu wawo wakuperekeka. Kodi asapangiza tani nzimu wakuperekeka? Kodi ndi kucinja kupi kwakhala kwakufunika, na akwanisa tani kukucita? Kodi ndi maphindu api adakhala na iwo ninga pyakubwereswa?

Nyimbo 108 na phembero yakumalisa.

Sumana Inatoma Pa 25 Ya Nthanda Ya Maindza

Nyimbo 210

Mphindi 10: Pidziwiso pyapampingo. Lerini lipoti ya kobiri pabodzi na tsamba ya filiali ya kupereka takhuta. M’kuphatisira maperekero umboni anagumanika pa tsamba 12 peno maperekero umboni anango akubverana na cisa canu, pangizani kuti munagawira tani A Sentinela ya 1.° de Janeiro na Despertai! ya Janeiro. Kunkhomo kwa citsanzo cibodzi na cibodzi, citani mbvunzo wakucitisa kufuna wakuti unadzatawirwa pa ulendo unafuna kudza m’kuphatisira bukhu yakuti Biblya Isapfunzisanji.

Mphindi 15: Pyakufuna pyapampingo.

Mphindi 20: “Kodi Imwe Muna Cisa Canu Cene?”* Phatanizani mifokotozo yacigwagwa yakubuluka kwa muyang’aniri wa mmunda ya kukula kwa cisa ca mpingo, kazinji kene cisa cisaphatwa kangasi na khala mphyakukwanisika kwa munthu kukhala na cisa cace cene.

Nyimbo 219 na phembero yakumalisa.

Sumana Inatoma Pa 1 Ya Nthanda Ya Thongwe

Nyimbo 158

Cidzindikiro: Mipingo nkhabe funika kucinja Nsonkhano wa Basa wa sumana ya 1 ya nthanda ya Thongwe towera kupita namasiku kusiyapo basi khala iri kucezeswa na muyang’aniri wa cisa. Mipingo yonsene isafunika kudinga nthimiziro unalonga pya nsonkhano ninga pyandandalikwa. Khala pa sumana ineyi pana nsonkhano wa cisa, ayang’aniri a pfunziro ya bukhu asafunika kudziwisa mbuto na ntsiku ya nsonkhano m’ndandanda wawo okhonda phonya wa mapfunziro a bukhu.

Mphindi 5: Pidziwiso pyapampingo. Kumbusani amwazi mphangwa kuti apereke lipoti ya basa ya mmunda ya nthanda ya Maindza.

Mphindi 15: “Makhunganyiro Na Mafambisiro A Mpingo.” Nkhani pabodzi na kuceza na anyakubvesera yakubuluswa m’Utumiki Wathu Wa Umambo wa nthanda ya Maindza ya 2006.

Mphindi 25: “Nsonkhano Wa Gawo Wa Mboni Za Yahova Wa 2007 Wakuti ‘Towererani Kristu!’”.* Nkhani yakucitwa na mulembi wa mpingo. Mbamusati kudinga nthimiziro, lerini tsamba ya 15 ya nthanda ya Maindza 2006, inalonga pya nsonkhano. Wangisani onsene towera acite masasanyiro awo a nsonkhano pingakwanisika mokhonda dembuka.

Nyimbo 65 na phembero yakumalisa.

[Footnotes]