Ndandanda Wa Nsonkhano Wa Basa

Sumana 11 Ya Khoni

Nyimbo 153

Mph. 10: Pidziwiso pyapampingo. Mukuphatisira maperekero umboni anagumanika pa tsamba 8 peno maperekero anango umboni anabverana na cisa canu, pangizani kuti munagawira tani A Sentinela ya 15 de Junho na Despertai! ya Junho. Dingani nsolo wakuti “Phedzani Apswa Towera Akhale Akuthema . . . ” unagumanika pa tsamba 2.

Mph. 15: Akukhunganyika Mwadidi Ninga Apfunzisi A Mafala A Mulungu. Nkhani yakubuluswa mu A Sentinela ya 15 de Fevereiro de 2002, tsamba 24-8. Akristu anango asanyinyirika kuperekeka towera kupfunza Biblya na anthu ale anafuna thangwi iwo nee asapibva kukhala akuthema kucitisa pfunziro. Mbwenye Yahova asatipasa luso yakukhala atumiki kubulukira mu Mafalace, nzimu wace wakucena na gulu yace. Cifuno cathu si cakugawira mabukhu basi tayu. Tisafunika kuwangisira towera kupfunzisa anthu. (Mat. 28:19, 20) Wangisani amwazi mphangwa kukhala na cifuno ca kutomesa pfunziro ya Biblya.

Mph. 20: “Kufikira Anthu Onsene Na Mphangwa Zadidi.” Nkhani pabodzi na kuceza na anyakubvesera yakubuluswa mu nthimiziro wa Utumiki Wathu Wa Umambo wa nthanda ya Khoni ya 2007, tsamba 3-6, ndima 3.

Nyimbo 144 na phembero yakumalisa.

Sumana 18 Ya Khoni

Nyimbo 217

Mph. 10: Pidziwiso pyapampingo. Pidziwiso pyakusankhulwa mu Utumiki Wathu Wa Umambo.

Mph. 15: Kodi Musakumbuka? Nkhani na kuceza na anyakubvesera yakubuluswa mu A Sentinela ya 15 de Abril de 2007, tsamba 19.

Mph. 20: “Ife Tisakomerwa Kubvunga Mphambvu Zathu Mu Basa Ya Yahova!”a Nzidzi ungakhalapo, phembani anyakubvesera kuti afokotoze malemba akusowa mafala mu ndima.

Nyimbo 82 na phembero yakumalisa.

Sumana 25 Ya Khoni

Nyimbo 15

Mph. 10: Pidziwiso pyapampingo. Lerini lipoti ya kobiri pabodzi na tsamba ya filiali ya kupereka takhuta. Mukuphatisira maperekero umboni anagumanika pa tsamba 8 peno maperekero umboni anango akubverana na cisa canu, pangizani kuti munagawira tani A Sentinela ya 1.° de Julho na Despertai! ya Julho.

Mph. 15: Pyakufuna pyapampingo.

Mph. 20: “Kodi Munakwanisa Kupita Pa ‘Nsuwo Ukulu’ Towera Kucita Basa?”* Mwacigwagwa bvunzani mpainiya wa nzidzi onsene m’bodzi peno awiri. Kodi ndi macinjo api adacita iwo towera kukhala mpainiya wa nzidzi onsene? Na ndi nkhombo zipi zidatambira iwo?

Nyimbo 138 na phembero yakumalisa.

Sumana 2 Ya Maluwa

Nyimbo 208

Mph. 10: Pidziwiso pyapampingo. Kumbusani amwazi mphangwa kuti apereke lipoti ya basa ya m’munda ya nthanda ya Khoni. Longani mabukhu anafuna kugawirwa mu nthanda ya Maluwa, na citani citsanzo cibodzi cakupangiza njira ya kugawira mabukhu anewa.

Mph. 15: “Kupereka Umboni Mwatsusukano—Njira Yadidi Yakumwaza Mphangwa Zadidi.” Nkhani pabodzi na kuceza na anyakubvesera yakubuluswa mu nthimiziro wa Utumiki Wathu Wa Umambo wa nthanda ya Khoni ya 2007, tsamba 6, ndima 4 mpaka kunkhomo kwa tsamba 6. Longani njira zingasi zadidi zakupereka umboni mwatsusukano. Phembani anyakubvesera kuti alonge pyakugumana napyo pyakuwangisa pidakhala na iwo mukhapereka iwo umboni mwatsusukano.

Mph. 20: “Pitirizani Na ‘Kubala Misapo Mizinji.’”* Munadinga imwe ndima 4, phatanizani nfokotozo unagumanika mu bokosi yakuti “Como ‘dar fruto com perseverança,’” mu A Sentinela ya 1.° de Fevereiro de 2003, tsamba 21.

Nyimbo 69 na phembero yakumalisa.

[Footnotes]