Phedzani Apswa Towera Akhale Akuthema . . .

Towera anthu apswa akhale akuthema kutumikira ninga amwazi mphangwa na patsogolo pace abatizwe, iwo asafunika kusiya manyerezero akuipa na miyambo yapacisa yakukhonda bverana na malemba. Mabvunzo ali m’bukhu ya Organizados asalonga pinthu pizinji pya ntsonga zenezi, mbwenye khala nyakupfunza akupitiriza basi kucita misambo yakuti ndi yakudziwika kakamwe mbwenye iyo isaphonyana na midida ya Biblya, akulu a mpingo ali na utongi na ali akuthema towera kuphedza nyakupfunza kusiya makhaliro anewa. (Agal. 6:1) Akulu a mpingo angakhonda dziwa mwadidi khala nyakupfunza acinja manyerezero ace na asiya macitiro anewa akuipa, iwo angakwanise kukhonda kuntawirisa kukhala m’mwazi mphangwa. M’mwazi mphangwa anacita pfunziro na nyakupfunza unoyu asafunika kusankhula ntsonga zakuti zinamphedza ku khundu ineyi towera kucedza naye. Mu kucita pyenepi, nyakupfunza anadzaphedzwa kuphatisira midida ya Biblya mu njira yadidi kakamwe mu umaso wace mbabvala tenepa umunthu upswa.—Aef. 4:22-24.