Pidziwiso

◼ Mabukhu anafuna kugawirwa mu Nthanda ya Maluwa na ya Malimwe: Bruxura yonsene yakukhala na matsamba 32 ingakwanise kuphatisirwa: Khalani Akulindira!, Mizimu Ya Akufa—Ingakwanise Kukuphedzani Peno kukucitani Pyakuipa? Kodi Iyo Iripodi?, Njira ya ku Umaso Okhonda Mala—Kodi Imwe Mwaigumana Kale? Nthanda ya Nyenzi: Tinadzaphatisira bukhu yakuti Biblya Isapfunzisanji. Kuwangisira kwakupambulika kusafunika kucitwa towera kutomesa pfunziro ya Biblya pa ulendo wakutoma. Pontho tisafunika kubwerera ku mbuto zonsene zidasiya ife mabukhu na cifuno ca kutomesa pfunziro ya Biblya yapanyumba. Nthanda ya Malandalupya: Tinadzagawira marevista A Sentinela na Despertai! Anthu angapangiza kufuna, pangizani na dingani katsamba kakuti Gostaria de aprender mais a respeito da Bíblia? na cifuno ca kutomesa pfunziro ya Biblya. Nthanda ya Bingu: Bruxura yonsene ya matsamba 32: Khalani Akulindira!, Khalani Maso Kwenda Na Kwenda Mwa Kutsanzaya M’Dziko Yapantsi!, Njira ya ku Umaso Okhonda Mala—Kodi Imwe Mwaigumana Kale?

◼ Nakuti nthanda ya Nyenzi ina masabudu na madimingu maxanu, ineyi inadzakhala nthanda yadidi ya kukhala mpainiya wakuphedza.

◼ Kutomera pa nthanda ya Nyenzi, nkhani ipswa yapakweca ya ayang’aniri a cisa inadzakhala na nsolo wakuti: “O que identifica a Bíblia como autêntica?”

◼ Tikuphemba kuti maformularyu a upainiya wa nzidzi onsene aperekwe ku ofesi ya filiali mbukudasala ntsiku zokhonda cepa 60 mbisati fika ntsiku inafuna iwo kutoma upainiya. Mulembi wa mpingo asafunika kuonesesa maphembo anewa towera kuona khala alembwa mwadidi. Khala anyakuphemba kukhala apainiya nkhabe kumbuka ntsiku idabatizwa iwo, asafunika kunyerezera ntsiku yakuti iri cifupi na idabatizwa iwo mbaikoya. Mulembi asafunika kulemba ntsiku ineyi pa Registro de Publicador de Congregação (S-21).

◼ Mipingo isafunika kutoma kuphemba kabukhu kakuti Examine as Escrituras Diariamente, Calendário das Testemunhas de Jeová de 2008 na Texto do Ano. Pinthu pyenepi pisafunika kuphembwa mukuphatisira formularyu Pedido de Publicações (S-14) na tumizani ku Filiali mwakukhonda dembuka pa rota ya nthanda ya Nyenzi. Mipingo inafuna kudzaphemba mwakudembuka hinadzatambira pinthu pyenepi pa nzidzi wakuthema tayu. Examine as Escrituras Diariamente na Calendário ndi maphembo akupambulika, natenepa pisafunika kuphembwa pakumala kucita cidziwiso. Mpingo usafunika kuphemba pinthu pyenepi khala abale apiphemba.