Ndandanda Wa Nsonkhano Wa Basa

Sumana 13 Ya Malimwe

Nyimbo 20

Mph. 15: Pidziwiso pyapampingo. Mukuphatisira maperekero umboni anagumanika pa tsamba 12 peno maperekero umboni anango anabverana na cisa canu, pangizani kuti munagawira tani A Sentinela ya 15 de Agosto na Despertai! ya Agosto. Pa citsanzo cibodzi, m’mwazi mphangwa asafunika kuphatisira mabodzi a maonero anagumanika mu Utumiki Wathu Wa Umambo uno pa tsamba 3, ndima 3, towera kusiya mbvunzo wakuti anadzautawira pa ulendo wakubwereza. Dingani “Programu Ipswa Ya Nsonkhano Wa Cisa.” Dziwisani ntsiku ya nsonkhano wa cisa unafuna kudza khala musaidziwa.

Mph. 15: Njira Zakuthimizira Utumiki Wanu. Nkhani pabodzi na kuceza na anyakubvesera yakubuluswa mu nthimiziro wa Utumiki Wathu Wa Umambo wa nthanda ya Malimwe ya 2007, tsamba 3.

Mph. 15: “Kulambira Yahova Ninga Banja.”a Phembani anyakubvesera kuti afokotoze kuti aphindula tani mu kuphata basa pabodzi mu utumiki ninga banja. Ntawiro ubodzi peno miwiri angakwanise kukhunganywa mwanyapantsi.

Nyimbo 48 na phembero yakumalisa.

Sumana 20 Ya Malimwe

Nyimbo 100

Mph. 10: Pidziwiso pyapampingo. Dingani “Programu Ipswa Ya Ntsiku Ya Nsonkhano Wakupambulika,” na dziwisani ntsiku ya nsonkhano wakupambulika unafuna kudza khala musaidziwa.

Mph. 15: Tomesani Pfunziro Ya Biblya Pa Ulendo Wakutoma Nkati Mwa Nthanda Ya Nyenzi. Nkhani na kuceza na anyakubvesera. Nkati mwa nthanda ya Nyenzi tinadzagawira bukhu yakuti Biblya Isapfunzisanji na wangisirani kudinga ndima zingasi na mwanaciro nyumba pa ulendo wakutoma. Dingani pontho maonero anagumanika mu nthimiziro wa Utumiki Wathu Wa Umambo wa nthanda ya Thongwe ya 2006, na khunganyani citsanzo cibodzi peno piwiri pyakupangiza kuti tinatomesa tani pfunziro ya Biblya pa ulendo wakutoma.

Mph. 20: “Asatiphedza Tani Masasanyiro A Pfunziro Ya Bukhu Ya Mpingo.”* Munadinga imwe ndima 5, phatanizani ntsonga zinagumanika m’bukhu ya Organizados, tsamba 41, ndima 2.

Nyimbo 6 na phembero yakumalisa.

Sumana 27 Ya Malimwe

Nyimbo 98

Mph. 10: Pidziwiso pyapampingo. Lerini lipoti ya kobiri pabodzi na tsamba ya filiali ya kupereka takhuta. Mukuphatisira maperekero umboni anagumanika pa tsamba 12 peno maperekero umboni anango akubverana na cisa canu, pangizani kuti munagawira tani A Sentinela ya 1.° de Setembro na Despertai! ya Setembro.

Mph. 10: ‘Faça amigos por meio das riquezas injustas’. Nkhani ino isafunika kucitwa na nkulu wa mpingo, yabuluswa mu A Sentinela ya 1.° de Dezembro de 1994, tsamba 13-18 peno A Sentinela ya 1.° de Novembro de 2005, tsamba 26-30.

Mph. 25: “Cifuno Cadidi Kakamwe Towera Kucikwanirisa Mu Caka Cipswa Ca Basa.”* Bvunzani munthu m’bodzi peno awiri adatumikira cincino ninga mpainiya wakuphedza. Kodi ndi macinjo api adacita iwo m’mabasa awo? Kodi iwo aphindula tani? Pingakwanisika, ubodzi wa mabvunzo anewa usafunika kucitwa kwa munthu adakhala mpainiya wakuphedza thangwi ya ciphedzo na ciwangiso ca anthu anango a pabanja yace. Munadinga imwe ndima 9, longani ntsiku inafuna kudzacezesa pontho muyang’aniri wa cisa khala musaidziwa.

Nyimbo 196 na phembero yakumalisa.

Sumana 3 Ya Nyenzi

Nyimbo 50

Mph. 10: Pidziwiso pyapampingo na Pidziwiso pyakusankhulwa mu Utumiki Wathu Wa Umambo. Kumbusani amwazi mphangwa kuti apereke lipoti ya basa ya m’munda ya nthanda ya Malimwe.

Mph. 15: “Ife Tisalemedza Kakamwe Miyai Yathu!”* Nzidzi ungakhalapo, phembani anyakubvesera kuti afokotoze malemba akusowa mafala mu ndima.

Mph. 20: “Tinakwanisa Tani Kutomesa Mapfunziro A Biblya Na Anthu Adasiyira Ife Marevista.”* Phatanizani citsanzo cibodzi cacigwagwa mukuphatisira mabodzi a maonero anagumanika pa ndima 2. Kumbusani amwazi mphangwa kuti pfunziro ya Biblya ingakwanise kulembwa khala mwaicitisa kawiri kutomera padapangiza imwe munthu macitiro ace, pontho khala musakhulupira kuti pfunziro inadzapitiriza.

Nyimbo 2 na phembero yakumalisa.

[Footnotes]