Ndandanda Wa Nsonkhano Wa Basa
Sumana 14 Ya Thongwe
Nyimbo 41
Mph. 10: Pidziwiso pyapampingo. Pidziwiso pyakusankhulwa mu Utumiki Wathu Wa Umambo. Mukuphatisira maperekero umboni anagumanika pa tsamba 12 peno anango anabverana na cisa canu, pangizani kuti munagawira tani A Sentinela ya 1.° de Janeiro na Despertai! ya Janeiro.
Mph. 15: “Phatisirani Mwadidi Ndzidzi Wanu Mu Utumiki.”* Bvunzani m’bale m’bodzi wakuti ndi wacitsanzo cadidi mu kutsogolera nsoka kuenda ku basa ya m’munda. Kodi ndi ninji pinacita iye towera kutsogolera nsoka na kuphatisira mwadidi ndzidzi mu utumiki?
Mph. 20: “Mafala Anu Adzipe Ninga Munyu Ntsiku Zonsene.”* Munadinga imwe ndima 2, lerini Jwau 4:7-15, 39.
Nyimbo 85
Sumana 21 Ya Thongwe
Nyimbo 215
Mph. 10: Pidziwiso pyapampingo. Longani mabukhu anafuna gawirwa mu nthanda ya Madzalo, na citani citsanzo cibodzi cakupangiza njira ya kugawira mabukhu anewa. Wangisani onsene kuti aone vidyu yakuti Tratamentos Alternativos à Transfusão: Atendendo às Necessidades e aos Direitos do Paciente mu kukhunganyikira nkhani ya Nsonkhano Wa Basa inafuna kucitwa pa 4 ya nthanda ya Madzalo. Khala vidyu ineyi nkhabepo, wangisani onsene kuti aleri Despertai! ya Agosto 2006, tsamba 10-12, “Perguntas dos Leitores” mu A Sentinela ya 15 de Junho de 2004, na ya 15 de Outubro de 2000, na bruxura yakuti: Como Pode o Sangue Salvar a Sua Vida?, tsamba 13-17.
Mph. 10: Kodi Imwe Musaphatisira Kabukhu Kakuti Examine as Escrituras Diariamente? Nkhani pabodzi na kucedza na anyakubvesera yakubuluswa m’mafala akutoma a Examine as Escrituras Diariamente— 2008. Longani kufunika kwa kugula ndzidzi ntsiku na ntsiku towera kudinga Lemba ya ntsiku na mifokotozo. Phembani anyakubvesera kuti alonge ndandanda wawo wa kudinga lemba ya ntsiku na kuti asaphindula tani thangwi ya kucita pyenepi. Ntawiro ubodzi peno miwiri ingakwanise kukhunganywa mwanyapantsi. Mwacigwagwa gomezerani lemba ya caka ca 2008.
Mph. 25: “Citani Mwakukwana Umboni Wa Mphangwa Zadidi.”* (Ndima 1-10) Isafunika kucitwa na muyang’aniri wa m’munda. Bvunzani m’mwazi mphangwa m’bodzi peno awiri adatumikira ninga apainiya akuphedza caka cidamala mwakukhonda tsalakana kuinjipa kwa mabasa peno ungumi wa nyatwa-nyatwa. Kodi iwo akwanisa tani kucita upainiya? Kodi ndi kutsanzaya kwa ntundu wanji kudakhala na iwo? Munadinga imwe ndima 7, longani ndandanda udacitwa wa misonkhano ya kuenda ku basa ya m’munda nkati mwa nthanda ya Murope, Bwinja na Gonkho.
Nyimbo 177
Sumana 28 Ya Thongwe
Nyimbo 52
Mph. 10: Pidziwiso pyapampingo. Kumbusani amwazi mphangwa kuti apereke lipoti ya basa ya m’munda ya nthanda ya Thongwe. Lerini lipoti ya kobiri na tsamba ya filiali ya kupereka takhuta. Nkhani pabodzi na kucedza na anyakubvesera yakubuluswa mu A Sentinela ya 1.° de Janeiro na Despertai! ya Janeiro. Pakumala kupereka maonero acigwagwa a revista ibodzi na ibodzi, bvunzani anyakubvesera kuti ndi nsolo upi ungakwanise kukomeresa anthu mu cisa na thangwi yanji. Phembani anyakubvesera kuti alonge ntsonga za misolo zinanyerezera iwo kuziphatisira. Kodi tingakwanise kucita mbvunzo upi towera kutomesa makani? Kodi tingakwanise kuleri lemba ipi mu nsolo unoyu? Kodi lemba isabverana tani na nsolo? Mukuphatisira maperekero umboni akukhonda nensa anagumanika pa tsamba 12, pangizani kuti tinakwanisa tani kugawira revista ibodzi na ibodzi.
Mph. 20: “Citani Mwakukwana Umboni Wa Mphangwa Zadidi.”* (Ndima 11-17) Munadinga imwe ndima 14, pasani anyakubvesera onsene ncemerero ubodzi wakupambulika wa Cikumbuso, khala iripo. Longani masasanyiro adacitwa pa mpingo towera kugawira ncemerero unoyu mu cisa canu.
Mph. 15: “Phedzani Anyakupfunza Biblya Kuti Akhale Amwazi Mphangwa Zadidi Za Umambo.”* Ndzidzi ungakhalapo, phembani anyakubvesera kuti afokotoze malemba akusowa mafala mu ndima.
Nyimbo 22
Sumana 4 Ya Madzalo
Nyimbo 161
Mph. 10: Pidziwiso pyapampingo. Dingani Bokosi Ya Mabvunzo.
Mph. 10: ‘Citani Pyonsene Towera Kusimba Mulungu.’ Nkhani pabodzi na kucedza na anyakubvesera yakubulusa mu n’thimiziro wa Utumiki Wathu Wa Umambo wa nthanda ya Thongwe ya 2008, tsamba 7-10.
Mph. 25: “Kodi Imwe Musanyinyirika?” Isafunika kucitwa na nkulu wa mpingo. Mwakukhonda dembuka dingani vidyu yakuti Necessidades e Direitos do Paciente pabodzi na anyakubvesera, mukuphatisira mabvunzo anagumanika mu nsolo wa nkhani yanu. Pakumalisira, lerini ndima yakumalisa na wangisani onsene kuti adinge mwacidikhodikho misolo idalongwa inagumanika mu A Sentinela na Utumiki Wathu Wa Umambo. Fokotozani kuti m’bodzi na m’bodzi wakuti asati kulemba angakwanise kucita pyenepi mu kuphatisira ntsonga zakuphedza zinagumanika mu n’thimiziro wa Utumiki Wathu Wa Umambo wa nthanda ya Bingu ya 2006 towera kucita pisankhulo pyace pya makhundu mang’onong’ono a ciropa na pinafuna iye kucitwa pa ukonzi na buluka penepo mbalemba pisankhulo pyace pa phaso ya DPA. Ale adamala kale kulemba phaso yawo ya DPA angakwanise kudinga pontho pisankhulo pyawo na, pingakhala pyakufunika, mbalemba pontho phaso ipswa. Khala vidyu ineyi nkhabepo, bulusani nkhani yanu mu Despertai! ya Agosto 2006, tsamba 10-12, “Perguntas dos Leitores” mu A Sentinela ya 15 de Junho de 2004, na ya 15 de Outubro de 2000, na bruxura yakuti: Como Pode o Sangue Salvar a Sua Vida?, tsamba 13-17.
* Longani mafala akutoma mbamukhonda piringana mphindi ibodzi, buluka penepo pitirizani na nkhani mbumucita mabvunzo na matawiro.