Ndandanda Wa Nsonkhano Wa Basa

Sumana 11 Ya Madzalo

Nyimbo 168

Mph. 10: Pidziwiso pyapampingo. Mukuphatisira maperekero umboni anagumanika pa tsamba 8 peno anango anabverana na cisa canu, pangizani kuti munagawira tani A Sentinela ya 1.° de Fevereiro na Despertai! ya Fevereiro.

Mph. 15: Kodi Mungakwanise Kutumikira Kule Kwakuti Kuli Na Kusowa Kukulu Kakamwe? Nkhani pabodzi na kucedza na anyakubvesera yakubuluswa mu A Sentinela ya 15 de Julho de 2003, tsamba 20. Phatanizani ntsonga zinagumanika mu n’thimiziro wa Utumiki Wathu Wa Umambo wa nthanda ya Malimwe ya 2007, tsamba 4 ndima 6 mpaka tsamba 5 ndima 3. Mwacigwagwa bvunzani m’bale peno mulongo m’bodzi adafuluka kuenda kucisa cakuti ciri na kusowa kukulu kakamwe. Kodi ndi nyatwa zipi zidathimbana na iwo, na akwanisa tani kuzimalisa? Kodi ndi nkhombo zipi zidatambira iwo?

Mph. 20: Phedzani Anthu Apswa Towera Athambaruke Ninga Atumiki. Mungamala kulonga mafala akutoma akukhonda kupiringana phindi ibodzi, pitirizani na nkhani mbumucita mabvunzo na matawiro mukuphatisira mabvunzo a pfunziro anagumanika mu A Sentinela ya 1.° de Dezembro de 2005, tsamba 31. Pakumala kudinga ndima 18, citani citsanzo cibodzi cakupangiza mwanaciro nyumba mbakacita mbvunzo m’mwazi mphangwa mupswa wakuti asaphata basa na m’mwazi mphangwa waluso. Ntawiro wa m’mwazi mphangwa mupswa si wakuphata ntima tayu, na mwanaciro nyumba asamalisa makani. Pakubuluka pa nyumba ineyi, m’mwazi mphangwa waluso asasimba m’mwazi mphangwa mupswa thangwi ya kuwangisira kwace, mbapangiza kuti anakwanisa tani kuphatisira bukhu ya Raciocínios towera kutawira munthu wakuti angakwanise kungwanda mafala kutsogolo.

Nyimbo 50

Sumana 18 Ya Madzalo

Nyimbo 17

Mph. 10: Pidziwiso pyapampingo. Pidziwiso pyakusankhulwa mu Utumiki Wathu Wa Umambo.

Mph. 10: Pyakufuna pyapampingo.

Mph. 25: “Cipangizo Ca Cikhulupiro Cakuwanga!”* Isafunika kucitwa na muyang’aniri wa m’munda. Malisani na kulonga pinthu pyakuwangisa pidacita mpingo nkati mwa caka ca basa cidamala.

Nyimbo 194

Sumana 25 Ya Madzalo

Nyimbo 81

Mph. 10: Pidziwiso pyapampingo. Kumbusani amwazi mphangwa kuti apereke lipoti ya basa ya m’munda ya nthanda ya Madzalo. Lerini lipoti ya kobiri na tsamba ya filiali ya kupereka takhuta. Pangizani kuti tinaphatisira tani ncemerero wa Cikumbuso towera kucemerera munthu wa m’banja peno nyakuendekana.

Mph. 20: “Kukumbuka Ciomboli Mwakupangiza Kupereka Takhuta.”* Ndzidzi ungakhalapo, phembani anyakubvesera kuti afokotoze malemba akusowa mafala mu ndima.

Mph. 15: Khunganyikani Towera Kugawira Marevista Mapswa. Nkhani pabodzi na kucedza na anyakubvesera. Pakumala kupereka maonero acigwagwa a revista ya A Sentinela ya 1.° de Março na Despertai! ya Março, bvunzani anyakubvesera kuti ndi nsolo upi ungakwanise kukomeresa anthu mu cisa na thangwi yanji. Phembani anyakubvesera kuti alonge ntsonga za misolo zinanyerezera iwo kuziphatisira. Kodi tingakwanise kucita mbvunzo upi towera kutomesa makani? Kodi tingakwanise kuleri lemba ipi mu nsolo unoyu? Mukuphatisira maperekero umboni, pangizani kuti tinakwanisa tani kugawira A Sentinela ya 1.° de Março na Despertai! ya Março.

Nyimbo 119

Sumana 3 Ya Murope

Nyimbo 223

Mph. 10: Pidziwiso pyapampingo. Dingani ntsonga zikulu za bokosi “Pinafunika Kukumbukirwa Pa Cikumbuso.”

Mph. 20: Kodi Munakwanisa Kutomesa Pfunziro Ya Biblya Mu Nthanda Ya Murope? Kucedza na anyakubvesera. Nkati mwa nthanda ya Murope tinadzagawira bukhu yakuti Biblya Isapfunzisanji na cifuno ca kutomesa mapfunziro a Biblya. Dingani makhundu akupambulika a bukhu ineyi. Longani kuti tinakwanisa tani kugawira bukhu ineyi tingabwerera kwa munthu wakuti apangiza cifuno pa ndzidzi udasiya ife ncemerero wa Cikumbuso, udasiya ife marevista, peno udasiya ife bukhu ineyi mu utumiki wa nyumba na nyumba pakupita 22 ya Murope. (Onani km 8/07 tsa. 3; km 3/06 tsa. 1, ndima 3; km 1/06 tsa. 3-⁠6.) Citani citsanzo cibodzi peno piwiri pyakupangiza njira ya kugawira bukhu ineyi.

Mph. 15: Phatisirani Biblya Pakutawira Mabvunzo. Nkhani pabodzi na kucedza na anyakubvesera yakubuluswa m’bukhu ya Escola do Ministério, tsamba 143-⁠4. Phatanizani citsanzo cacigwagwa cinapangiza m’mwazi mphangwa mbakacitwa mbvunzo wakuti kazinji kene usabviwa mu cisa canu na buluka penepo iye asaphatisira Biblya towera kupereka ntawiro.

Nyimbo 145

* Longani mafala akutoma mbamukhonda piringana mphindi ibodzi, buluka penepo pitirizani na nkhani mbumucita mabvunzo na matawiro.