Pidziwiso

◼ Mabukhu anafuna kugawirwa mu Nthanda ya Madzalo: Existe um Criador Que Se Importa com Você? peno O Segredo de Uma Família Feliz. Nthanda ya Murope: Kodi Mwandimomwene Biblya Isapfunzisanji? Wangisirani towera kutomesa mapfunziro a Biblya. Nthanda ya Bwinja na ya Gonkho: Marevista A Sentinela na Despertai! Kuwangisira kwakupambulika kusafunika kucitwa towera kubwerera kwa anthu apswa adapangiza cifuno adagumanika pa Cikumbuso na pa nkhani yapakweca yakupambulika, mbwenye nee ndi aphinga m’misonkhano inango ya mpingo tayu. Cifuno ca kubwerera kwa anthu anewa cisafunika kukhala ca kutomesa pfunziro ya Biblya yapanyumba kwa ale akuti nee ali nayo tayu.

◼ Nakuti nthanda ya Murope iri na masabudu na madimingu maxanu, ineyi inadzakhala nthanda yadidi kakamwe ya kukhala mpainiya wakuphedza.

◼ Mulembi na muyang’aniri wa m’munda asafunika kuona basa ya apainiya a ndzidzi onsene a pa mpingo. Khala alipo anacimwana kukwanirisa midzidzi inafunika iwo kucita, akulu a mpingo asafunika kucita masasanyiro towera aphedzwe.

◼ Nkhani yapakweca yakupambulika ya ndzidzi wa Cikumbuso ca 2008 inadzakhala na nsolo wakuti: “Kodi Mbani Adathema Kutonga Anthu?” Onani cidziwiso cakulandana na ceneci mu Utumiki Wathu Wa Umambo wa nthanda ya Nyenzi ya 2007.

◼ Cidzindikiro Kwa Ayang’aniri A Mabukhu Na Alembi A Mpingo: Mungamenya ntokodzi ku ofesi ya filiali thangwi ya mabukhu adatambira imwe akukhonda khala anu, taphata miyendo, pingakwanisika khalani na tsamba inapangiza mabukhu adatumizwa m’manja. Mungalembera ofesi ya filiali, taphata miyendo, tumizanimbo tsamba ibodzi yakupangiza mabukhu adatumizwa.

◼ Cidzindikiro Kwa Ayang’aniri Akutsogolera: M’midzidzi inango, ofesi ya filiali isatumiza matsamba kwa misoka ya akulu a mpingo akulonga pya pitsogolero pyakufunika pya basa ya anatsalakana marevista peno mabukhu. Ayang’aniri Akutsogolera asafunika kuonesesa angamala kuleri kuti mphangwa zenezi zaperekwa kwa abale anewa.