Pidziwiso

◼ Mabukhu anafuna kugawirwa mu Nthanda ya Nyenzi: Kodi Mwandimomwene Biblya Isapfunzisanji? Wangisirani toera kutomesa mapfundziro a Bhibhlya pa ulendo wakutoma. Khala mwanaciro nyumba ali nayo kale bukhu ineyi mbwenye nee atawira pfundziro ya Bhibhlya, amwazi mphangwa anakwanisa kugawira marevista akale peno bruxura yonsene yakuti isabverana na cifuno ca munthu. Malandalupya: Marevista A Sentinela na Despertai! Munthu angapangiza cifuno, gawirani katsamba Kodi Musafuna Kudziwa Undimomwene?, pontho wangisirani toera kutomesa pfundziro ya Bhibhlya.

◼ Nkhani yapakweca yakupambulika mu ndzidzi wa Cikumbuso ca 2012 inadzacitwa nkati mwa sumana inatoma pa ntsiku 2 ya nthanda ya Bwinja. Nsolo wa nkhani ineyi unadzadziwiswa kutsogolo. Nkhabe mpingo unafunika kucita nkhani yakupambulika mbudzati kumala kucita Cikumbuso.

◼ Amwazi mphangwa anafuna kutumikira ninga apainiya akuphedza mu nthanda ya Murope ya 2012 anadzasankhula kupereka midzidzi 30 peno 50 inaphembwa pa nthanda ineyi. Mwakuthimizira, khala muyang’aniri wa cisa akucedzesa mpingo wanu mu nthanda ya Murope, onsene akuti asatumikira ninga apainiya akuphedza, ngakhale ale anafuna kupereka midzidzi 30 peno 50, anacemerwa toera kugumanika pa nsonkhano onsene wa apainiya a ndzidzi onsene unafuna kucitwa na muyang’aniri wa cisa.

◼ Kutomera mu nthanda ya Nyenzi, ayang’aniri a pisa anadzacita nkhani ya nsolo wakuti “Sirva em união com o povo feliz de Deus”.

◼ Tiri kukumbusa ayang’aniri a mabukhu toera kucalira kuphemba ntsama ikulu kakamwe ya mabukhu. Mungacita maphembo a ntsama ikulu ya mabukhu phembo yanu inadzapungulwa. Natenepa, khala musafuna kucita phembo ya ntsama ikulu ya mabukhu, taphata miyendo lembani cidzindikiro peno lembani mphangwa zenezi pa formularyu ya Pedido de Publicações (S-14-T).