Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Malandalupya

“M’midzidzi ino yakunentsa, tonsene tisathimbana na pinentso pyakuti pisabweresa nyatwa m’mabanja. Ndi kupi kunanyerezera imwe kuti tinakwanisa kugumana citsogolero cakunyindirika toera kutiphedza kuti umaso wa banja yathu ukhale wakutsandzayisa?” Dikhirani ntawiro. Buluka penepo, pasani mwanaciro nyumba A Sentinela ya 1.° de Outubro, dingani pabodzi mphangwa zinagumanika pantsi pa nsolo ung’ono ubodzi pa matsamba 16 na 17, pontho lerini lemba ibodzi mwa malemba anagumanika mu ndima. Perekani marevista, pontho citani masasanyiro akubwerera toera kudinga mibvundzo inango.

Sentinela de 1.° de Outubro

Pangizani tsamba yakutoma ya revista, buluka penepo bvundzani, “Mbamudapibva tani mungadzindikira kuti mwapangwa pinthu pyauthambi thangwi ya Mulungu? [Dikhirani ntawiro.] Onani pidalonga Yezu thangwi ya njira toera kudzindikira undimomwene m’mauthambi. [Lerini Jwau 17:17.] Natenepa Bhibhlya isatipanga undimomwene thangwi ya Mulungu. Revista iyi isalonga uthambi uxanu wakudziwika thangwi ya Mulungu wakuti Bhibhlya isautculula pakweca.”

Despertai! de Outubro

“Lero tikucita basa yapakweca mu kucedza na mabanja. Kodi pana nyatwa ikulu inathimbana na anyakubala lero pa kukuza anapiana? [Dikhirani ntawiro.] Anyakubala azinji asanyindira uphungu wa Bhibhlya. Mwacitsandzo, mafala awa andzeru ndi akuphedza kakamwe pa kusandika anapiana. [Lerini Aefesi 4:31.] Revista iyi isapangiza kuti uphungu wa Bhibhlya unaphedza tani anyakubala mu kukula kwa anawo, kutomera pa uwana mpaka pa uphale peno utsikana.”