Ndandanda ya Sumana 28 ya Malandalupya

SUMANA 28 YA MALANDALUPYA

Nyimbo 31 na Phembero

□ Pfundziro Ya Bhibhlya Ya Mpingo:

jl tsa. 3 na Nsolo 1-2 (mph. 30)

□ Xikola Ya Utumiki Wa Mulungu:

Kuleri Bhibhlya: 1 Timoti 1–2 Timoti 4 (mph. 10)

Kubwerezera Kwa Xikola Ya Utumiki Wa Mulungu (mph. 20)

□ Nsonkhano Wa Basa:

Nyimbo 61

Mph. 5: “Munadzacitanji pa Ntsiku za Mafiriyadu?” Nkhani yakubuluswa m’mphangwa zinagumanika pa tsamba 7 ya Utumiki Wathu uno Wa Umambo.

Mph. 10: Fokotozani Maphindu a Mphangwa Zadidi. Nkhani yakucedza yakubuluswa m’bukhu ya Escola do Ministério, tsamba 159. Pangizani kuti bukhu Biblya Isapfunzisanji inagawirwa tani mu kuphatisira nsolo wakuti anthu anakomerwa nawo mu cisa canu.

Mph. 15: Kufunika kwa Kukoya Ndzidzi. Nkhani yakucedza. (1) Kodi Yahova asakhazikisa tani citsandzo cadidi cakukoya ndzidzi? (Hab. 2:3) (2) Kodi kufika kwathu nakweru pa misonkhano na mu utumiki kusapangiza tani cilemedzo kuna Yahova na citsalakano kwa anango? (3) Kodi nsoka wa basa ya m’munda na nyakutsogolera basa ya m’munda asakhuyiwa tani tingadembuka pa nsonkhano wa basa ya m’munda? (4) Tingabverana na munthu adapangiza cifuno peno nyakupfundza Bhibhlya kuti tinabwerera pontho pa ndzidzi unango, thangwi yanji mphyadidi kukhonda dembuka? (Mat. 5:37) (5) Ndi maonero api adidi akuti anadzatiphedza toera kufika nakweru mu utumiki wathu na pa misonkhano ya mpingo?

Nyimbo 69 na Phembero