Munadzacitanji pa Ntsiku za Mafiriyadu?

Nakuti anthu azinji asagumanika panyumba pa ntsiku za mafiriyadu auphemberi na a dziko, kazinji kene ineyi ndi midzidzi yakuthema kwa ife toera kucita khundu mu utumiki. Mipingo isawangiswa toera kucita masasanyiro akupambulika toera kupereka umboni pa ntsiku ya firiyadu. Khala azinji mu cisa anadzalamuka mwakudembuka, natenepa, mphyadidi kucinja ndzidzi wa nsonkhano wa basa ya m’munda. Cidziwiso cisafunika kucitwa pa Nsonkhano Wa Basa toera kudziwisa mpingo thangwi ya masasanyiro onsene akupambulika a kupereka umboni pa ntsiku ya firiyadu na kuwangisa onsene akuti anakwanisa toera kucita khundu. Mwandimomwene, mafiriyadu asatipasa ndzidzi toera kupuma peno kutsalakana pinthu pyathu. Mbwenye, thangwi yanji nkhabe kukoya ndzidzi pang’ono toera kubuluka mu utumiki? Natenepa imwe munadzatsandzaya na ciwangiso thangwi yakucita khundu m’basa ya Mulungu.​—Mat. 11:29, 30.