Kuthimizira Maluso Athu Mu Utumiki​—Kumwaza Mphangwa Mukuphatisira Interfoni

Thangwi Yanji Mphyakufunika: Kumwaza mphangwa mukuphatisira interfoni kunakwanisa kukhala kwakugopesa. Tinakwanisa tani kucalira kuti pyenepi pipungule phinga yathu m’mabasa adidi? Kumbukani kuti kumwaza mphangwa mukuphatisira interfoni kunakwanisa kukhala njira ibodzi toera kupanga anthu anango mphangwa zadidi. (Arom. 10:14) Pyakucitika pisapangiza maphindu akumwaza mphangwa mukuphatisira njira ineyi. (Onani Anuário de 2011 tsa. 65-66 na Anuário de 2000 tsa. 54, ndima 3.) Dingani maonero anatowerera.

Tinacita Tani Pyenepi:

• Khunganyikani mwacigwagwa pinafuna kalonga imwe na pilembeni toera kapileri kuna mwanaciro nyumba mukuphatisira interfoni. Pyenepi pinadzakucitisani kulonga mwacinyindiro. Pakutoma, longani cifuniro ca ulendo wanu. Phatisirani dzina ya mwanaciro nyumba khala yalembwa pa interfoni. Malisirani na kumpasa tratado peno revista yakuti inadzaphedza kudziwa pizinji (peno siyani pansuwo wa mwanaciro nyumba).

• Khalani na maonero akulinganira. Mwetulirani na citani majesto ninga mukulonga na munthu nkhope na nkhope.

• Khalani wakusudzuka na wakucedza mwadidi. Longani mwakubveka mwadidi na volume yakuthema. Calirani kumatama matama na kulonga mwakucimbiza kakamwe.

• Phatisirani maluso adidi. N’nyumba zikulu, panango munagumanika mainterfoni. Pingakwanisika sankhulani mainterfoni matatu toera kuliza, pontho alembeni mbamudzati buluka. Anaciro nyumba panango anakwanisa kunyingwa tingamala ndzidzi uzinji mbatikaliza mainterfoni.

Yeserani Kucita Ipi Nkati Mwa Nthanda:

• Pakulambira kwanu kwa banja yeserani makhundu anewa ninga mukulonga na munthu wakuti ali kutali na imwe.