Kubwerezera Kwa Xikola Ya Utumiki Wa Mulungu

Mibvundzo inatowerera iyi inadzadingwa pa Xikola Ya Utumiki Wa Mulungu nkati mwa sumana 23 ya Madzalo ya 2015.

1. Kodi mizinda yakuthawira ya mu Israele wakale ikhasiyana tani na matemplo acikunja akhathawira mapanga? (Yoswa 20:2, 3) [5 ya Thon. w10-T 1/11 tsa. 15 ndima 4-6]

2. Thangwi yanji Yoswa alonga na cinyindiro consene mafala anagumanika pa Yoswa 23:14, pontho thangwi yanji tisafunika kukhala na cinyindiro consene ku mapikiro a Yahova? [12 ya Thon. w07-T 1/11 tsa. 26 ndima 19]

3. Thangwi yanji dzindza ya Yuda ikhadasankhulwa toera kukhala yakutoma kutambira dziko ikhadapaswa iwo? (Aton. 1:2, 4) [19 ya Thon. w05-T 15/1 tsa. 24 ndima 5]

4. Thangwi yanji Bharaki akakamiza mprofeta Dhebhora toera aende naye ku nkhondo? (Aton. 4:8) [19 ya Thon. w05-T 15/1 tsa. 25 ndima 4]

5. Isabvekanji dzina ya guwa idamanga Gedheoni na tinapfundzanji kubulukira mu dzina ineyi? (Aton. 6:23, 24) [26 ya Thon. w14 1/2 tsa. 24 ndima 9]

6. Tinapfundzanji kubulukira ku ntawiro wa Gedheoni kwa dzindza yakuipirwa ya Efrayimu? (Aton. 8:1-3) [2 ya Madza. w05-T 15/7 tsa. 16 ndima 4]

7. Kodi mudadumbira Yefita, akhanyerezera pya kupereka ntsembe ya munthu? (Aton. 11:30, 31) [9 ya Madza. w05-T 15/1 tsa. 26 ndima 1]

8. Mwakubverana na Atongi 11:35-37, ninji cidaphedza mwana wankazi wa Yefita toera kukwanirisa dumbiro ya babace? [9 ya Madza. w11-T 15/12 tsa. 20-21 ndima 15-16]

9. Mu ndzidzi wakuti mu Israele nee mukhali mambo na ‘munthu mbacita pikhafuna iye,’ kodi pyenepi pikhapangiza kuti nee mukhali mwambo? Fokotozani. (Aton. 17:6) [16 ya Madza. w05-T 15/1 tsa. 27 ndima 8]

10. Tisapfundzanji thangwi ya kupitiriza kuphembera mu cakucitika ca Aisraele mudakundwa iwo maulendo awiri na dzindza yakukhonda bvera mwambo ya Bhenjamini? (Aton. 20:14-25) [23 ya Madza. w11-T 15/9 tsa. 32 ndima 1-4]