Mwazani Mwaphinga Undimomwene Unalonga Pya Yezu

Phinga yathu isathimizirika tingadziwa kumwaza undimomwene unalonga pya Yezu kuna anango. Yezu ndi mwala ukulu wapankhomo unawangisa cikhulupiro candimomwene. (Aef. 2:20) Kusiyapo iye, ife nee mbatidakhala na cidikhiro ca umaso. (Mach. 4:12) Natenepa, ndi pyakufunika kakamwe kuti onsene adziwe basa ya Yezu mu cifuniro ca Mulungu. Anthu azinji asapeuswa na pipfundziso pyauthambi. Mwakutsukwalisa, iwo nkhabe kudzatambira nkhombo zinapikira Mulungu kuna ale anakhulupira Yezu. Phinga yathu thangwi ya undimomwene inadzatikulumiza kuphedza anthu a ntima wadidi toera kudziwa mwadidi Yezu, uxamwali wace na Mulungu na basa yace mu cifuniro ca Mulungu. Mu ndzidzi wa Cikumbuso, kodi munadzakhala aphinga pakumwaza undimomwene unalonga pya Yezu?