Kubwerezera Kwa Xikola Ya Utumiki Wa Mulungu
Mibvundzo inatowera inadzadingwa pa Xikola Ya Utumiki Wa Mulungu nkati mwa sumana inatoma pa ntsiku 28 ya Maindza ya 2015. Ntsiku inafuna kudingwa ntsonga ibodzi na ibodzi yaikhwa toera kutiphedza pakukhunganyika xikola ya sumana ibodzi na ibodzi.
1. Kodi Dhavidhi atsalakana mwakuipa anthu akhaphata iye ku nkhondo, ninga munanyerezera anthu anango angaleri 1 Pya dziko ya Israele 20:3? [2 ya Bingu, w05-T 15/2 tsa. 27]
2. Ninji pidakulumiza Dhavidhi toera kupangiza nzimu wakupasa mwakudzala manja, na ninji pinafuna kutiphedza toera kucitambo pibodzi pyene? (1 Pya. 22:5) [9 ya Bingu, w05-T 1/10 tsa. 11 ndima 7]
3. Kodi Dhavidhi akhafuna kubvekesanji mudalonga iye kuna Salomoni: ‘Dziwa Mulungu wa babako’? (1 Pya. 28:9) [16 ya Bingu, w10-T 1/11 tsa. 30 ndima 3, 7]
4. Kodi phembo ya Salomoni inagumanika pa 2 Pya dziko ya Israele 1:10 isapangizanji thangwi ya iye, na tinapfundzanji tingadinga maphembero anacita ife kuna Yahova? (2 Pya. 1:11, 12) [23 ya Bingu, w05-T 1/12 tsa. 19 ndima 6]
5. Mwakubverana na 2 Pya dziko ya Israele 6:29, 30, ndi ipi luso yakupambulika iri na Yahova, na thangwi yanji tisafunika kulonga piri muntima mwathu kuna iye mu phembero? (Sal. 55:22) [30 ya Bingu, w10-T 1/12 tsa. 11 ndima 7]
6. Thangwi yanji Asa aphembera thangwi ya kuwina anyamalwa awo azinji, na ndi cinyindiro cipi cinakhala na ife mwakubverana na nkhondo yathu yauzimu? (2 Pya. 14:11) [7 ya Main. w12-T 15/8 tsa. 8 ndima 6–tsa. 9 ndima 1]
7. Kodi njira idatsalakanira Yahova madodo a Mambo Yosafate inatipasa tani cinyindiro caufuni wa Mulungu, na pyenepi pinakhuya tani maonero athu kuna anango? (2 Pya. 19:3) [14 ya Main. w03-T 1/7 tsa. 17 ndima 13; cl-T tsa. 244 ndima 12]
8. Tinakhala tani ‘m’mbuto zathu mbatipitiriza dzololo,’ mphapo thangwi yanji? (2 Pya. 20:17) [21 ya Main. w05-T 1/12 tsa. 21 ndima 2; w03-T 1/6 tsa. 21 ndima 15-16]
9. Ndi cenjezo ipi inagumanika pa 2 Pya dziko ya Israele 21:20 inalonga pya kufa kwa Yoramu yakuti tisafunika kuinyerezera mwacidikhodikho? [21 ya Main. w98-T 15/11 tsa. 32 ndima 4]
10. Mwakubverana na 2 Pya dziko ya Israele 26:5, kodi m’phale Uziya apfundziswa na ani kucita pinthu pyadidi, na aphale na atsikana lero anaphindula tani na Akristu akukola m’mpingo? [28 ya Main. w07-T 15/12 tsa. 10 ndima 2, 4]