Bokosi Ya Mibvundzo

◼ Ndi Ndzidzi Upi Wakuthema Toera Kusiya Kucitisa Pfundziro Ya Bhibhlya?

Khala nyakupfundza Bhibhlya nee akuthambaruka mwauzimu, panango mphyadidi kuphatisira luso toera kusiya kupfundza naye. (Mat. 10:11) Mbamudzati kusiya dingani ipi: Kodi iye asapangiza kuti asafuna kupitiriza kupfundza? Asakhunganyika mwanyapantsi pinafuna pfundza iye? Asasonkhana na mpingo? Asapanga anango pinapfundza iye? Ali kucita macinjo mwakubverana na midida ya Bhibhlya? Musafunika kunyerezera thunga yace na maluso ace, mbamudziwambo kuti anthu asathambaruka munjira yakusiyana. Pontho, khala mwasiya kucitisa pfundziro ya Bhibhlya na munthu, ndziwiseni kuti muli dzololo angafuna kupitiriza kupfundza ntsogolo.​—1 Tim. 2:4.