Muli Wakukhunganyika Toera Kuthimbana naUviyaviya?

Nakuti tiri cifupi na kumala kwa dziko ino, tisadikhira kuti uviyaviya, uphanga na nkhondo pinathimizirika. (Apok. 6:4) Mphapo tinakhunganyika tani toera kuthimbana na pinthu pyenepi?

• Khunganyikani mwauzimu: Dziwani midida ya Bhibhlya na mphangwa zinango zakuti zinawangisa cinyindiro canu kuna Yahova na kuna gulu yace, pontho pyenepi pinakuphedzani toera kukhonda cita khundu mu ndale za dziko. (Mis. 12:5; Jeremias tsa. 125-126 ndima 23-24) Natenepa uno ndi ndzidzi wakuwangisa uxamwali wathu na abale na alongo mu mpingo.—1 Ped. 4:7, 8

• Khunganyani pinthu pyakumanungo: Citani masasanyiro khala nee munakwanisa kubuluka panyumba. Pontho dziwani kuti munacitanji mungafunika kubuluka panyumba. Kusiyapo pyenepi, musafunika kukhala na pasta toera kukoya cakudya cakuti nkhabe bvunda mwakucimbiza, madzi, mitombwe, maluva, maskra na kobiri. Dziwani kuti munapita tani ncibverano na akulu a mpingo, pontho dziwani kuti iwo anapitambo tani ncibverano na imwe.—Iza. 32:2; Despertai! 17.5 tsa. 3-7

Mu ndzidzi wa uviyaviya, pitirizani kucita phembero, kupfundza Bhibhlya na kuenda kumisonkhano. (Afil. 1:10) Calirani kufambafamba khala nee ndi pyakufunika. (Mat. 10:16) Pasanimbo anango cakudya ciri na imwe na pinthu pinango.—Aroma 12:13.

ONANI VIDHYU YA NSOLO WAKUTI MULI WAKUKHUNGANYIKA TOERA KUTHIMBANA NA CIDENGWA?, BULUKA PENEPO TAWIRANI MIBVUNDZO IYI:

• Kodi Yahova anatiphedza tani m’midzidzi ya pidengwa?

• Ndi pinthu pipi pisafunika ife kukhunganyika?

• Tinaphedza tani anango adagwerwa na pidengwa?