Kodi Muli Wakukhunganyika?

Kodi cidengwa cacibaliro cingacitika lero mucisa canu, muli wakukhunganyika? Mwacitsandzo, citeketeke, moto, condzi na kudzala kwa madzi, pinakwanisa kucitika mwakukhonda dikhira. Kusiyapo pyenepi, uphanga, uviyaviya wa ndale na mautenda pinakwanisa kucitika konsene kwene, pontho mwakukhonda dikhira. (Koel. 9:11) Natenepa, nee tisafunika kunyerezera kuti pyenepi nkhabe citika mucisa cinakhala ife.

Tonsene tisafunika kucita masasanyiro toera kukhunganyika cidengwa mbacidzati kucitika. (Mis. 22:3) Maseze gulu ya Yahova isapereka ciphedzo pangacitika cidengwa cacibaliro, m’bodzi na m’bodzi wa ife asafunika kucita khundu yace toera kukhala wakukhunganyika.—Agal. 6:5, cidzindikiro capantsi.

ONANI VIDHYU YA NSOLO WAKUTI MULI WAKUKHUNGANYIKA TOERA KUTSIDZIKIZIKA CIDENGWA CACIBALIRO CINGACITIKA? BULUKA PENEPO TAWIRANI MIBVUNDZO IYI:

• 

  Kukhala na uxamwali wakuwanga na Yahova, kunatiphedza tani tingagwerwa na cidengwa cacibaliro?

• 

  Thangwi yanji tisafunika . . .

  • • kupita ncibverano na akulu a mpingo cidengwa mbacidzati kucitika, mu ndzidzi wa cidengwa, pontho cingamala kucitika?

  • • kukhunganyika pinthu pyakufunika kakamwe toera kupiphatisira mu ndzidzi wa cidengwa?—Despertai! 05/17 tsa. 6

  • • kudziwa pidengwa pyacibaliro pinafuna kucitika mucisa cathu, pontho tisafunika kucitanji?

• 

  Tinaphedza tani anthu anagwerwa na cidengwa cacibaliro?