SUMANA 15-21 YA SETEMBRO
MISANGANI 31
Nyimbo 135 na Phembero | Mafala Akutoma (mph. 1)
1. Tisapfundzanji na Uphungu Udapereka Mama Kuna Mwanace?
(mph. 10)
Pfundzisani ananu maonero a Yahova thangwi yakupita m’mabonde na kumanga banja (Mis. 31:3, 10; Sentinela 1/2/11 tsa. 19 ndima 7-8)
Pfundzisani ananu toera aone pyakumwa pyakuledzeresa ninga munapionera Yahova (Mis. 31:4-6; Ajuda Para a Família nsolo 4 ndima 11-13)
Pfundzisani ananu toera aphedze anthu ninga pinacita Yahova (Mis. 31:8, 9; Despertai! 06.17 tsa. 9 ndima 5)
2. Mpfuma Zauzimu
(mph. 10)
Mis. 31:28—Thangwi yanji mamuna asafunika kusimba nkazace? (Ncenjezi 01.25 tsa. 13 ndima 16)
Ndi mpfuma zipi zauzimu zidagumana imwe pakuleri Bhibhlya sumana ino?
3. Kuleri Bhibhlya
(mph. 4) Mis. 31:10-31 (Kuleri na Kupfundzisa pfundziro 10)
4. Kutomesa Makani
(mph. 3) UMBONI WANTSUSUKANO. Cedzani na munthu wakuti alonga peno acita pinthu pyadidi. (Funani Anthu nsolo 5 khundu 3)
5. Kutomesa Makani
(mph. 4) NYUMBA NA NYUMBA. Cedzani na munthu thangwi ya nsolo ubodzi unagumanika pa khundu yakuti “Ife Tisakomerwa Kupfundzisa Anthu Undimomwene” mu apendise A wa bhruxura Funani Anthu. (Funani Anthu nsolo 1 khundu 4)
6. Ulendo Wakubwereza
(mph. 5) NYUMBA NA NYUMBA. Phembani munthu adatambira Sentinela N.º 1 ya 2025 toera agumanike pa nkhani yakupambulika. (Funani Anthu nsolo 7 khundu 4)
Nyimbo 121
7. Phedzani Ananu Toera Aphatisire Mwandzeru Matelefoni, Mathabhuleti, Makomputadhori na Televizori
(mph. 8) Nkhani yakucedza.
Anapiana asaphatisira kakamwe matelefoni, mathabhuleti, makomputadhori na televizori. Iwo nee asanentseka toera kuphatisira pinthu pyenepi. Panango iwo nee anafuna ciphedzo toera adziwe kupiphatisira, mbwenye iwo anafuna ciphedzo toera adziwe kuti anapiphatisira tani mwandzeru. Anyakubala, munaphedza tani ananu toera aphatisire pinthu pyenepi mwandzeru?
Pangizani VIDHYU Phatisirani Mwadidi Ndzidzi Wanu. Buluka penepo, citani mibvundzo iyi:
Thangwi yanji tisafunika kukhazikisa madire thangwi ya ndzidzi unaphatisira ife matelefoni, mathabhuleti, makomputadhori peno televizori?
Tisafunika kuphatisira ndzidzi wathu mu pinthu pipi pinango?
Khazikisani mitemo pabanja panu mwakubverana na pinapfundzisa Bhibhlya, m’mbuto mwakutowezera pinacita anyakubala anango. (Agal. 6:5) Mwacitsandzo, bvundzikani:
Kodi mwananga asakwanisa kucita pisankhulo pyadidi? Ndi wakudzitonga mu ndzidzi unaphatisira iye telefoni peno thabhuleti?—1 Akor. 9:25
Ndisafunika kutawirisa mwananga toera aphatisire telefoni, thabhuleti, komputadhori peno televizori mu ndzidzi unakhala iye ekhene?—Mis. 18:1
Ndi ma aplikativo api peno masaiti akuti ndinatawirisa mwananga kuaphatisira, pontho ndi api akuti nee ndinantawirisa kuaphatisira?—Aef. 5:3-5; Afil. 4:8, 9
Ndinatawirisa mwananga kuphatisira pinthu pyenepi mu ndzidzi ungasi toera akwanise kucita pinthu pinango pyakufunika?—Ekle. 3:1
8. Pyakufunika pa Mpingo
(mph. 7)