SUMANA 20-26 YA OUTUBRO

EKLEZIASTE 9-10

Nyimbo 30 na Phembero | Mafala Akutoma (mph. 1)

MPFUMA ZA MAFALA A MULUNGU

1. Khalani na Maonero Adidi Thangwi ya Nyatwa Zanu

(mph. 10)

Tisadziwa kuti tingatamba nyatwa nee pisabveka kuti nee ndifebve akutawirika kuna Yahova (Ekle. 9:11; Ncenjezi 01.23 tsa. 15 ndima 4)

Ife tisadziwa kuti tinatsalakanwa mwakusowa ulungami thangwi tiri n’dziko yakutongwa na Sathani (Ekle. 10:7; Ncenjezi 09.19 tsa. 5 ndima 10)

Tisafunika kukhala na ndzidzi wakutsandzaya na pinthu pyadidi pinatipasa Yahova, maseze titambe nyatwa (Ekle. 9:7, 10; Ncenjezi 15/8/15 tsa. 10 ndima 4)

Nkazi alimira pa ponti, pontho akuyang’ana kudzulu.

2. Mpfuma Zauzimu

(mph. 10)

Ekle. 9:5—Ninji pinacitika munthu angafa? (Tsandzayani na Umaso Kwenda na Kwenda! nsolo 29 khundu 1)

Ntawiro wanu
Ndi mpfuma zipi zauzimu zidagumana imwe pakuleri Bhibhlya sumana ino?

Ntawiro wanu

3. Kuleri Bhibhlya

(mph. 4) Ekle. 10:1-20 (Kuleri na Kupfundzisa pfundziro 11)

PFUNDZISANI MWALUSO MU UTUMIKI

4. Kutomesa Makani

(mph. 3) UMBONI WAPAKWECA. Tomesani makani na munthu anaoneka ninga ali wakutsukwala. (Funani Anthu nsolo 3 khundu 4)

5. Kutomesa Makani

(mph. 4) UMBONI WANTSUSUKANO. Munthu alonga kuti ali wakudzudzumika thangwi ya kobiri. Longani thangwi ya nsolo ubodzi unagumanika pa khundu yakuti “Ife Tisakomerwa Kupfundzisa Anthu Undimomwene” mu apendise A wa bhruxura Funani Anthu. (Funani Anthu nsolo 4 khundu 4)

6. Kucita Anyakupfundza

(mph. 5) Tsandzayani na Umaso Kwenda na Kwenda nsolo 17 tapfundzanji, mibvundzo yakubwereza na yeserani kucita ipi. (Funani Anthu nsolo 12 khundu 3)

KUKHALA M’MASO NINGA AKRISTU

Nyimbo 47

7. Yahova Anakuphedzani mu Ndzidzi wa Nyatwa

(mph. 15) Nkhani yakucedza.

Ntsiku zonsene, ife tisathimbana na nyatwa zizinji. Mbwenye nyatwa zinango ndi zakunentsa kakamwe zakuti nee tisadziwa pinafunika ife kucita toera kupirira nyatwa zenezi. Mbani anafuna kutiphedza, pontho tinacitanji mu ndzidzi wa nyatwa?

Mwakukhonda tsalakana nyatwa zinathimbana na ife, ndzidzi onsene Yahova ‘anaticitisa kukhala akutsidzikizika.’ (Iza 33:6) Toera kuphedzwa na Yahova, ife tisafunika kukhala na maonero adidi mbatidzindikira pinthu pyakuti nee tinakwanisa kupicita. (Mis. 11:2) Tingathimbana na nyatwa, tisafunika kukhala na ndzidzi toera kutsalakanika, kutsalakana ale anafuna ife, pontho toera kucita pisankhulo pyadidi. (Ekle. 4:6)

Yahova asaphatisira atumiki ace toera awangisane. Natenepa tisafunikambo kukhala dzololo toera kutawira peno kuphemba ciphedzo. Kumbukani kuti abale na alongo anu asakufunani kakamwe, pontho asakomerwa na kukuphedzani.

Lerini 2 Akorinto 4:7-9. Buluka penepo citani mbvundzo uyu:

Thangwi yanji tisafunika kuwangisira toera tipitirize kugumanika pa misonkhano, kuleri Bhibhlya na kumwaza mphangwa, maseze pikhale pyakunentsa kucita pyenepi?

Ntawiro wanu

Khundu ya vidhyu ya nsolo wakuti “Yahova Ali Dhuzi na Ale Anatamba Nyatwa.” M’bale Gary na mulongo Beth ali akutsukwala kakamwe thangwi yakuferwa na mwanawo.

Pangizani VIDHYU Yahova Ali Dhuzi na Ale Anatamba Nyatwa. Buluka penepo citani mibvundzo iyi:

Yahova aphedza tani m’bale Gary na mulongo Beth?

Ntawiro wanu
Abale na alongo aaphedza tani?

Ntawiro wanu
Mwapfundzanji na pinthu pidacitikira banja ineyi?

Ntawiro wanu

8. Pfundziro ya Bhibhlya ya Mpingo

(mph. 30) Pfundzani Mbiri za M’Bhibhlya nsolo 28, mafala akutoma a khundu 6 na nsolo 29